મોરબીની એસપી કચેરીએ આઇજી-ધારાસભ્યની હાજરીમાં ઉદ્યોગકારોની મિટિંગ યોજાઇ
Morbi Today
મોરબીના રીલીફનગર- મિલી પાર્કમાંથી જુદાજુદા બે બાઈકની ચોરી
SHARE
JOIN OUR GROUP
મોરબીના રીલીફનગર- મિલી પાર્કમાંથી જુદાજુદા બે બાઈકની ચોરી
મોરબી શહેરના સામાકાંઠા વિસ્તારમાં આવેલ રીલીફ નગરમાં રહેતા યુવાનના ઘર પાસેથી તેમજ મહેન્દ્રનગર ગામ પાસે આવેલ મિલી પાર્કમાં રહેતા યુવાનના ઘર પાસેથી જુદાજુદા બે બાઈકની ચોરી કરવામાં આવી છે જેથી કરીને પોલીસે જુદાજુદા બે ચોરીના ગુના નોંધીને આરોપીને પકડવા માટે ચક્રોગતિમાન કરેલ છે.
જાણવા મમળતી માહિતી મુજબ મૂળ બેલા ગામના રહેવાસી અને હાલમાં મોરબી શહેરના સામાકાંઠા વિસ્તારમાં આવેલ રિલિફનગર માં રહેતા અનિરુદ્ધસિંહ દિગ્વિજયસિંહ જાડેજા જાતે દરબાર (૪૩) એ પોતાનું બાઈક નંબર જીજે ૩૬ સી ૪૦૦૧ પોતાના ઘર પાસે પાર્ક કરીને મૂક્યું હતું ત્યારે તેના ઘર પાસેથી તે બાઈકની કોઈ અજાણ્યાસ શખ્સ દ્વારા ચોરી કરવામાં આવેલ છે જેથી કરીને ૨૫૦૦૦ રૂપિયાની કિંમતના બાઈકની ચોરી થઈ હોવા અંગેની હાલમાં ભોગ બનેલા યુવાન દ્વારા ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
તેવી જ રીતે મોરબીના મહેન્દ્રનગર ગામ પાસે આવેલ મિલી પાર્ક શેરી નંબર-૩ માં રહેતા અશ્વિનભાઈ દેવરાજભાઈ ગડારા જાતે પટેલ (૪૨) એ પોતાના ઘર પાસે તેનું બાઈક નં. જીજે ૩ બીએમ ૬૬૫૮ પાર્ક કરીને મૂક્યું હતું જે બાઈકની કોઈ અજાણ્યો શખ્સ ચોરી કરી ગયેલ છે જેથી કરીને યુવાને ૨૦૦૦૦ રૂપિયાની કિંમતના બાઈકની ચોરી થઈ હોવાની મોરબી સીટી બી ડિવિઝન પોલીસ સ્ટેશન ખાતે અજાણ્યા શખ્સની સામે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
