મોરબીના નવલખી હાઇવે ઉપર બાઈક સાથે બાઈક અથડાતા વૃદ્ધ સારવારમાં
Morbi Today
મોરબી નજીક થતી કેમિકલ ચોરીના ગુનામાં મુખ્ય સૂત્રધારની ધરપકડ
SHARE
JOIN OUR GROUP
મોરબી નજીક થતી કેમિકલ ચોરીના ગુનામાં મુખ્ય સૂત્રધારની ધરપકડ
મોરબી તાલુકાનાં સોખડા ગામ પાસે ફાસ્ટેન લેમીનેટ કારખાનામાં ટેન્કર ઊભું રાખીને તેમાંથી કેમિકલની ચોરી કરવામાં આવતી હતી જે ગુનામાં પોલીસે અગાઉ કુલ ત્રણ આરોપીની ધરપકડ આવી હતી જે ગુનામાં પોલીસે હાલમાં મુખ્ય સૂત્રધારની ધરપકડ કરેલ છે
મોરબી માળિયા હાઇવે ઉપર આવેલ સોખડા ગામ પાસે ફાસ્ટેન લેમીનેટ કારખાનામાં ટેન્કર ઊભું રાખીને તેમાંથી કેમિકલની ચોરી કરવામાં આવી રહી હતી ત્યારે રેડ કરીને પોલીસે કારખાનામાં ટેન્કર નં જીજે ૧૨ બીડબ્લયુ ૭૭૫૧ ઊભું રાખીને તેમાંથી કેમિકલ ચોરી કરવામાં આવતી હોવાનો પર્દાફાશ કર્યો હતો ત્યારે કેમિકલ, ટેન્કર, કાર, બે મોબાઈલ ફોન, નળી, બેરલ, ઇલેક્ટ્રીક મોટર વિગેરે મળીને ૪૧,૭૦,૨૨૦ ના મુદ્દામાલ સાથે જે તે સમયે ટેન્કરના ડ્રાઇવર રાજેશભાઈ રામજીભાઈ ડવ અને ક્લીનર અજીતસિંહ પૃથ્વીસિંહ ઝાલાની ધરપકડ કરી હતી ત્યાર બાદ આ ગુનામાં કારખાનેદાર જયેન્દ્રભાઈ રામજીભાઈ આદ્રોજા (૩૫) રહે, કાયાજી પ્લોટ શેરી-૫ મોરબી વાળાની ધરપકડ કરેલ હતી
હાલમાં તાલુકાનાં ડી સ્ટાફના પીએસઆઈ વી.જી જેઠવા અને તેના રાઇટર ફતેહસિંહ દ્વારા આ ગુનામાં જૂના નાગડાવાસ ગામે રહેતા લક્ષ્મણભાઈ નારણભાઈ રાઠોડ (૩૮)ની ધરપકડ કરવામાં આવી છે અને વધુમાં મળતી માહિતી મુજબ કંડલાથી સુરત જે કેમિકલ ટેન્કરમાં જતું હોય તે ટેન્કરના ચાલકનો આરોપી લક્ષ્મણભાઈ નારણભાઈ રાઠોડ દ્વારા સંપર્ક કરવામાં આવતો હતો અને સોખડા પાસે જયેન્દ્રભાઈ રામજીભાઈ આદ્રોજાના ફાસ્ટેન લેમીનેટ કારખાનામાં ટેન્કર ઉભું રાખીને તેમાંથી કેમિકલની ચોરી કરતાં હતા આ ચોરાઉ કેમિકલ તે જ કારખાનામાં ઉપયોગમાં લેવામાં આવતું હતું અને એક લિટર કેમિકલ સામે આરોપી લક્ષ્મણભાઈ નારણભાઈ રાઠોડને ભાવ ફેરથી ૧૦ રૂપિયાનો લાભ મળતો હતો જેથી તે કેમિલક ચોરીને કારખાનેદારને આપતો હતો
