મોરબી પોલીસ દારૂ-જુગારના ગુના નોંધવામાં પાવરધી, ચોરીના ગુના નોંધવામાં શું પેટમા દુખે છે..?
Morbi Today
મોરબી પાલિકામાં ચીફ ઓફિસર તરીકે ડેપ્યુટી કલેકટર ડી.સી. પરમાર મુકાયા: વહીવટદાર પણ યથાવત
SHARE
JOIN OUR GROUP
મોરબી પાલિકામાં ચીફ ઓફિસર તરીકે ડેપ્યુટી કલેકટર ડી.સી. પરમાર મુકાયા: વહીવટદાર પણ યથાવત
મોરબી નગરપાલિકાનું ગઇકાલે વિસર્જન કર્યા બાદ સરકારે મોરબી પાલિકામાં ખાલી પડેલ ચીફ ઓફિસરની જગ્યા ઉપર તાત્કાલિક અસરથી ડેપ્યુટી કલેકટરને ચીફ ઓફિસર તરીકે મુકાયા છે અને મોરબી જીલ્લામાં જ ફરજ બજાવતા ડેપ્યુટી કલેકટર ડી.સી. પરમારને મોરબી પાલિકામાં ચીફ ઓફિસર તરીકે મૂકવામાં આવ્યા છે જો કે, મોરબી જિલ્લાના અધિક કલેકટર એન.કે. મુછાર કે જેમની પાસે ઝૂલતા પુલની ઘણા પછીથી પાલિકાનો ચાર્જ હતો તેને તે જવાબદારીમાંથી મુક્ત કરવામાં આવેલ છે જો કે, પાલિકાના વહીવટદાર તરીકેની જવાબદારી અધિક કલેકટર એન.કે. મુછારને જ સોંપાઈ છે
મોરબી નગરપાલિકાની માલિકી વાળો ઝુલતો પુલ ઓરેવા ગ્રુપને મેનેજમેન્ટ માટે થઈને કરાર કરીને પાલિકા દ્વારા આપી દેવામાં આવ્યો હતો જોકે પાલિકામાં છેલ્લે જે કરાર કરવામાં આવ્યો છે તે કરાર પછી જનરલ બોર્ડમાં તેની મંજૂરી લેવામાં આવી ન હતી જેથી કરીને ક્યાંકને ક્યાંક અનેક પ્રશ્નો પાલિકા સામે પણ અગાઉ ઊભા થયા હતા જેથી કરીને રાજ્યના શહેરી વિકાસ વિભાગ દ્વારા મોરબી નગરપાલિકાના ચીફ ઓફિસર સંદીપસિંહ ઝાલાને સસ્પેન્ડ કરવામાં આવ્યા હતા ત્યાર પછી તે જગ્યા ખાલી હતી અને તેનો ચાર્જ મોરબી જિલ્લાના અધિક કલેકટર એન.કે. મુછારને આપવામાં આવ્યો હતો જો કે, સરકાર દ્વારા પાલિકાનું વિસર્જન કરવામાં આવ્યું છે ત્યારે ઇન્ચાર્જ ચીફ ઓફિસરથી પાલિકાનો વહીવટ ચલાવવાના બદલે તાત્કાલિક અસરથી મોરબી પાલિકામાં ચીફ ઓફિસરને મૂકવામાં આવેલ છે જેની મળી રહેલ માહિતી મુજબ મોરબી જીલ્લામાં જ ફરજ બજાવતા ડેપ્યુટી કલેકટર ડી.સી. પરમારને મોરબી પાલિકામાં ચીફ ઓફિસર તરીકે મૂકવામાં આવ્યા છે જો કે, મોરબી જિલ્લાના અધિક કલેકટરને પાલિકાના વહીવટદાર તરીકેની જવાબદારી સોંપાઈ છે
