મોરબીના શાસકોની અણઆવડતથી લાતી પ્લોટ નર્કાગાર, હાલક સુધરશે નહીં તો પાલીકાને તાળાબંધી : કોંગ્રેસ
Morbi Today
મોરબીના હળવદમાં બુટલેગરની તોડ બાબતેની ઓડિયો ક્લિપ વાઇરલ થયા બાદ કાર્યવાહી..? ; પોલીસબેડામાં છ ની બદલી
SHARE
JOIN OUR GROUP
મોરબીના હળવદમાં બુટલેગરની તોડ બાબતેની ઓડિયો ક્લિપ વાઇરલ થયા બાદ કાર્યવાહી..? ; પોલીસબેડામાં છ ની બદલી
મોરબી જિલ્લા પોલીસવડા દ્વારા જિલ્લાના વિવિધ પોલીસ સ્ટેશનોમાં ફરજ બજાવતા છ પોલીસ કર્મચારીઓની બદલી કરવામાં આવી હોવાનું જાણવા મળેલ છે.
મળતી માહિતી પ્રમાણે મોરબી જિલ્લા પોલીસવડા રાહુલ ત્રિપાઠી દ્વારા છ જેટલા પોલીસ કર્મચારીઓની આંતરિક બદલીઓ કરવાનો હુકમ કરવામાં આવ્યો છે.જેમાં પોલીસ હેડ કવાટરમાં ફરજ બજાવતા હિતેશભાઈ મહાદેવભાઇ સાપરાની હળવદ પોલીસ મથક ખાતે, હળવદમાં ફરજ બજાવતા જગદીશભાઈ મૂળજીભાઈ મકવાણાની મોરબી તાલુકા પોલીસ સ્ટેશન ખાતે, પોલીસ હેડ કવાટર અને સાથે નેત્રમમાં ફરજ બજાવતા આરતીબેન બચુભાઈ દેત્રોજાની મહિલા પોલીસ સ્ટેશન ખાતે, ટંકારા પોલીસ સ્ટેશનમાં ફરજ બજાવતા ખાલીદખાન રફિકભાઈ કુરેશી તેમજ હળવદમાં ફરજ બજાવતા રવિરાજસિંહ મહેન્દ્રસિંહ ઝાલા અને હળવદમાં ફરજ બજાવતા અરવિંદભાઈ રઘુભાઈ ઓળખિયાની પોલીસ હેડ કવાટર ખાતે બદલીઓ કરવામાં આવી હોવાનું જાણવા મળેલ છે.
વધુમાં સુત્રોમાંથી મળતી માહિતી પ્રમાણે થોડા દિવસો પહેલા હળવદ ખાતે એક બુટલેગરની કથીત તોડકાંડ મુદ્દે ઓડિયો ક્લિપ વાયરલ થઈ હતી જેમાં દેશી દારૂનો ધંધો કરવા માટે પોલીસને રૂપિયા આપવામાં આવતા હોવાની બાબતનો ઉલ્લેખ હતો અને ત્યારબાદ આ બદલીઓ કરવામાં આવી હોય તેવું હાલ સામે આવી રહ્યું છે.જોકે અન્ય પોલીસ સ્ટેશનોમાંથી બદલી થવામાં અન્ય કારણો પણ સામેલ છે.
