મોરબીના લાલપર પાસે ગોડાઉનમાં જુગારની રેડ: ૬ જુગારી ૩.૨૩ લાખના મુદામાલ સાથે પકડાયા

મોરબીના લાલપર પાસે એલસીબીની ટીમે ટાઇલ્સના ગોડાઉનમાં રેડ કરી હતી ત્યારે જુગાર રમતા ૬ જુગારી મળી આવ્યા હતા જેથી પોલીસે રોકડ સહિત કુલ મળીને ૩.૨૩ લાખનો મુદામાલ કબજે કરેલ છે

મોરબી એલસીબીની ટીમે લાલપર પાસે આવેલ ડેકોરેટીવ ટાઈલ્સના ગોડાઉનમાં જુગારની રેડ કરી હતી ત્યારે ટાઇલ્સના બોકસની આડમાં જુગાર રમતા કુલદીપભાઇ વિનોદભાઇ પટેલ, ભગીરથસિંહ ગજુભા પરમાર, મૌલીકભાઇ ધનશ્યામભાઇ ઉભડીયા, સુરૂભા વિક્રમસિંહ સોલંકી, શૈલેષભાઇ મનુભાઇ ડાંગર અને પ્રવિણભાઇ રામભાઇ ડાંગર મળી આવ્યા હતા જેથી કરીને પોલીસે રોકડા રૂપિયા ૨,૯૩,૨૦૦ તેમજ ૬ મોબાઈલ ફોન સહિત કુલ મળીને ૩.૨૩ લાખનો મુદામાલ કબજે કરેલ છે અને મોરબી તાલુકા પોલીસ સ્ટેશને ફરિયાદ નોંધાવેલ છે