વાંકાનેરના મહિકા ગામે રહેતા યુવાને એક શખ્સનાં ત્રાસથી આપી આમરણાંત ઉપવાસની ચીમકી
Morbi Today
મોરબીના પાર્થ પેપર્સ એલએલપી કારખાનામાં આગ લગતા ૧૫૦૦ ટન પેપરનો જથ્થો બળીને ખાખ
SHARE
JOIN OUR GROUP
મોરબીના પાર્થ પેપર્સ એલએલપી કારખાનામાં આગ લગતા ૧૫૦૦ ટન પેપરનો જથ્થો બળીને ખાખ
મોરબીના લીલાપર રોડ ઉપર આવેલ પાર્થ પેપર્સ એલએલપી નામના કારખાનામાં બુધવારે વહેલી સવારે ૩:૩૦ થી ૪:૦૦ વાગ્યાના અરસામાં વેસ્ટ પેપરના જથ્થામાં આગ લાગવાની ઘટના બની હતી જેથી કરીને આગને કંટ્રોલ કરવા માટેના કારખાનેદાર દ્વારા પ્રયત્ન કરવામાં આવ્યા હતા જોકે આગે વિકરાળ રૂપ ધારણ કરી લેતા આ અંગે તાત્કાલિક મોરબી નગરપાલિકાને જાણ કરવામાં આવી હતી જેથી ફાયર વિભાગની ટીમ તાત્કાલિક ત્રણ ફાયર ફાઈટર સાથે પાર્થ એલએલપી કારખાના ખાતે પહોંચી છે અને ૪:૩૦ વાગ્યાથી પાણીનો મારો સતત ચાલુ રાખીને આગને કંટ્રોલ કરવા માટેનું કામ શરૂ કરવામાં આવ્યું હતું અને મોડી રાત સુધી પાણીનો મારો કરવામાં આવ્યો ત્યારે આગ કંટ્રોલમાં આવી હતી જો કે, આ બનાવ અંગે હાલમાં મોરબીના કાયાજી પ્લોટમાં આવેલ ઉમિયા એપાર્ટમેંટમાં રહેતા શૈલેષભાઈ બાબુભાઇ દેત્રોજા જાતે પટેલ (૪૪) દ્વારા મોરબી તાલુકા પોલીસ સ્ટેશન ખાતે જાણ કરવામાં આવી છે અને તેને જણાવ્યુ છે કે, કારખાનામાં આગ લાગતાં હાલમાં કુલ મળીને ૧૫૦૦ ટન વેસ્ટ પેપરનો જથ્થો બળીને ખાખ થઈ ગયેલ છે અત્રે ઉલેખનીય છે કે, મોરબીની આસપાસના વિસ્તારમાં વિશ્વ કક્ષાનો સિરામિક ઉદ્યોગ તેમજ પેપરમીલ ઉદ્યોગ, લેમીનેટ ઉદ્યોગ, ઘડિયાળ ઉદ્યોગ વગેરે અનેક નાના મોટા ઉદ્યોગો આવેલા છે તેમ છતાં પણ ઉદ્યોગની અંદર કામ કરતા લોકોની સલામતી તથા ઉદ્યોગકકારોના જાનમાલને કોઈપણ સમયે આગ અકસ્માતની ઘટના બને ત્યારે ઓછામાં ઓછો નુકસાન થાય તેના માટે થઈને આજની તારીખે પણ મોરબી જિલ્લામાં એક પણ અધ્યતન ફાયર સ્ટેશન નથી જેના કારણે આગ અકસ્માતની કોઈ મોટી દુર્ઘટના થાય ત્યારે હર હંમેશ અન્ય જિલ્લાઓમાંથી ફાયરના સાધનો સાથેની ટીમોને મોરબી જિલ્લામાં આવે ત્યાં સુધી નુકશાન થાય તે સહન કરવા સિવાય બીજો કોઈ વિકલ્પ આજની તારીખે પણ મોરબી શહેર કે જીલ્લામાં નથી
