માળીયા (મી)ના જુના ઘાટીલા પાસે બાઈક સ્લીપ થતાં ઇજા પામેલા યુવાનનું મોત

માળીયા મીયાણા તાલુકાના જુના ઘાટીલા ગામે રહેતો યુવાન બાઈક લઈને ગામ પાસેથી પસાર થઈ રહ્યો હતો ત્યારે તેનું બાઈક સ્લીપ થઈ ગયું હતું જેથી કરીને તે યુવાનને માથામ પેટ અને છાતીના ભાગે ગંભીર ઇજા થઈ હતી જેથી કરીને તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા જોકે, ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને ત્યારબાદ આ બનાવની માળિયા મીયાણા તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી

બનાવની જાણવા મળતી માહિતી પ્રમાણે માળિયા મીયાણા તાલુકાના જુના ઘાટીલા ગામે રહેતો વિશાલભાઈ દેવશીભાઈ ઉપસરીયા (૧૮) નામનો યુવાન પોતાનું બાઈક લઈને જુના ઘાટીલા ગામ પાસેથી પસાર થઈ રહ્યો હતો ત્યારે ગામ પાસે તેનું બાઈક સ્લીપ થઈ ગયું હતું જેથી કરીને અકસ્માતનો બનાવ બન્યો હતો અને અકસ્માતના આ બનાવમાં વિશાલભાઈને માથા, પેટ અને છાતીના ભાગે ઇજાઓ થઈ હતી જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો ત્યારબાદ પ્રથમ આ બનાવની મોરબી એ ડિવિઝન પોલીસને જાણ કરવામાં આવી હતી જોકે, બનાવ માળીયા તાલુકા પોલીસની હદમાં બનેલો હોવાથી આ બનાવની માળિયા તાલુકા પોલીસને જાણ કરતાં પોલીસે આગળની રાબેતા મુજબની કાર્યવાહી હાથ ધરી છે