મોરબીના માર્કેટયાર્ડમાં ઓફિસમાં ઘૂસીને યુવાનને પાંચ શખ્સોએ માર માર્યો
Morbi Today
ટંકારામાં સરકારી જમીન ઉપર દબાણ કરનાર સામે લેન્ડ ગ્રેબિંગની ફરિયાદ
SHARE
JOIN OUR GROUP
ટંકારામાં સરકારી જમીન ઉપર દબાણ કરનાર સામે લેન્ડ ગ્રેબિંગની ફરિયાદ
ટંકારામાં પોલીસ સ્ટેશનની સામેના ભાગમાં તેમજ સિવિલ હોસ્પિટલની બાજુમાં સરકારી જમીન ઉપર દબાણ કરવામાં આવ્યું છે જેથી તલાટી મંત્રી દ્વારા હાલમાં ટંકારા તાલુકા પોલીસ સ્ટેશન ખાતે એક શખ્સની સામે લેન્ડ ગ્રેબિંગની ફરિયાદ નોંધાવવામાં આવેલ છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ ટંકારા તાલુકાના ગણેશપુર ગામે રહેતા અને ટંકારામાં તલાટી મંત્રી તરીકે ફરજ બજાવતા દિલીપભાઈ ચકુભાઈ પાલરીયા જાતે પટેલ (૩૬)એ ટંકારા તાલુકા પોલીસ સ્ટેશન ખાતે આમદભાઈ નુરાભાઈ ઘાંચી રહે. ટંકારા વાળાની સામે લેન્ડ ગેબીંગની ફરિયાદ નોંધાવેલ છે જેમાં તેને જણાવ્યુ છે કે, મોરબી રાજકોટ હાઇવે ઉપર ટંકારાની ખીજડીયા ચોકડી પાસે આવેલા હનુમાનજીના મંદિરની સામે પાણીના વહેણ ઉપર પાકૂ સિમેન્ટનું ૨૦૦ ચોરસ ફૂટનું બાંધકામ કર્યું છે તેમજ ટંકારા સિવિલ હોસ્પિટલમાં મડદા ઘરની આગળના ભાગે ગેરકાયદે બાંધકામ કરવામાં આવ્યું છે આમ સરકારી જમીન ઉપર ગેરકાયદે દબાણ કરીને પાકા બાંધકામ કર્યા હોવાથી તલાટી મંત્રીએ નોંધાવેલ ફરિયાદ આધારે પોલીસે લેન્ડ ગ્રેબિંગનો ગુનો નોંધીને આરોપીને પકડવા માટે તજવીજ શરૂ કરેલ છે અને આ બનાવની આગળની વધુ તપાસ મોરબીના ડીવાયએસપી પી.એ. ઝાલા ચલાવી રહ્યા છે
મહિલા સારવારમાં
મોરબીના ગેસ્ટ હાઉસ રોડ ઉપર આવેલ પરિમલ ગેસ એજન્સી પાસે વાહન અકસ્માતનો બનાવ બન્યો હતો જે બનાવની અંદર અલ્કાબેન અરવિંદભાઈ સોમાણી (37) રહે સૂર્યકીર્તિનગર ગુજરાત હાઉસિંગ બોર્ડ પાછળ સામાકાંઠે મોરબી-2 વાળાઓને ઈજા થતા ખાનગી હોસ્પિટલમાં સારવાર માટે લઈ જવામાં આવ્યા હતા ત્યાં સારવાર કરવામાં આવ્યા બાદ પોલીસમાં જાણ કરાતા હાલ એ ડિવિઝન પોલીસ મથકના હરેશભાઈ ચાવડા દ્વારા તપાસ કરવામાં આવી હતી.
