મોરબી યાર્ડમાં ચેરમેન ભવાનભાઈ ભાગીયા-વાઇસ ચેરમેન મનહરભાઈ બાવરવા

મોરબીના શનાળા રોડે આવેલ માર્કેટ યાર્ડના વર્તમાન હોદેદારોની મુદત પૂરી થતી હોય આગામી ટર્મ માટે નવાં હોદેદારોની નિયુક્તિ કરવા ચૂંટણી યોજાઈ હતી. જેમાં મોરબી માર્કેટ યાર્ડના ચેરમેન તરીકે ભવાનભાઈ ભાગીયાને રિપીટ કરવામાં આવેલ છે અને વાઇસ ચેરમેન તરીકે મનહરભાઈ બાવરવાની વરણી કરાઈ છે.

મોરબીના શનાળા રોડે આવેલ માર્કેટ યાર્ડની હાલની બોડીની અઢી વર્ષની ટર્મ પુરી થતા બીજી ટર્મના હોદેદારોની વરણી કરવા માટે ચૂંટણી યોજાઈ હતી. આ ચૂંટણીમાં માર્કેટીંગ યાર્ડના ૧૬ જેટલા સભ્યોએ સર્વાનુમતે યાર્ડના ચેરમેન તરીકે ભવાનભાઈ ભાગીયાને ચૂંટી કાઢીને માર્કેટ યાર્ડના ચેરમેન બનાવેલ છે અને વાઇસ ચેરમેન રહેલા મગનભાઈ વડાવીયાની જગ્યાએ આ વખતે મનહરભાઈ બાવરવાની બિનહરીફ વરણી કરવામાં આવી છે. જેથી યાર્ડના સભ્યો તેમજ વેપારીઓ સહિતનાઓએ નવા હોદેદારોને શુભકામના આપી હતી