માળીયા (મી)ના અણિયારી ટોલનાકા નજીકથી કતલખાને લઈ જવાતા ૧૨ અબોલજીવને ગૌરક્ષકોએ બચાવ્યા
Morbi Today
મોરબીમાં કાલથી બે દિવસ સેવા સેતુ કાર્યક્રમનું આયોજન
SHARE
JOIN OUR GROUP
મોરબીમાં કાલથી બે દિવસ સેવા સેતુ કાર્યક્રમનું આયોજન
મોરબી જિલ્લા વહીવટી તંત્ર દ્વારા મોરબીમાં શનિ અને રવિવારે સેવા સેતુ કાર્યક્રમનું આયોજન કરવામાં આવ્યું છે જેથી કરીને આ બે દિવસમાં સરકારની વિવિધ યોજનાનો લોકોને લાભ લેવા માટે અનુરોધ કરવામાં આવેલ છે
મોરબીમાં લોકોની રજૂઆતો અને અરજીઓનો સ્થળ પર જ ઉકેલ આવે તેના માટે મોરબી જિલ્લા વહીવટી તંત્ર દ્વારા રાજ્ય સરકારની સૂચના મુજબ મોરબીમાં તા ૩૦ અને ૩૧ ના રોજ સેવા સેતુ કાર્યક્રમનું આયોજન કરવામાં આવ્યું છે ત્યારે તા ૩૦ ને શનિવારના રોજ સવારે ૯ થી સાંજે ૫ સુધી વોર્ડ નં- ૮ થી ૧૩ સુધીના લોકો માટે મોરબીના શનાળા રોડ પર આવેલા હાઉસિંગ બોર્ડ, એ.કે. કોમ્યુનિટી હોલ ખાતે સેવા સેતુ કાર્યક્રમ યોજાશે. અને તા ૩૧ ને રવિવારના રોજ વોર્ડ નં-૧ થી ૭ ના લોકો માટે સવારે ૯ થી સાંજે ૫ સુધી મોરબીના મણીમંદિર પાછળ આવેલી તાલુકા શાળા ખાતે સેવા સેતુ કાર્યક્રમ યોજાશે. આ સેવા સેતુ કાર્યક્રમમાં આવનાર અરજદારે પાસપોર્ટ સાઈઝના બે ફોટા, ચૂંટણીકાર્ડ, રેશનકાર્ડ, આધારકાર્ડની નકલ લઈને આવવાના છે આ કાર્યક્રમમાં અરજી બપોરે બે વાગ્યા સુધી સ્વીકારવામાં આવશે.
