મોરબી શહેર-તાલુકામાં દારૂની ૩ રેડ: ૧૨ બોટલ દારૂ સાથે ૫ આરોપી પકડાયા
Morbi Today
હળવદના કવાડિયા નજીક અજાણ્યા બાઇક ચાલકે હડફેટે લેતા ઇજા પામેલા રાહદારી વૃદ્ધનું મોત
SHARE
JOIN OUR GROUP
હળવદના કવાડિયા નજીક અજાણ્યા બાઇક ચાલકે હડફેટે લેતા ઇજા પામેલા રાહદારી વૃદ્ધનું મોત
હળવદ નજીકના કવાડિયા ગામના પાટીયાથી કવાડિયા તરફ જવાના રસ્તા ઉપર પગપાળા ચાલીને જઈ રહેલા વૃદ્ધને અજાણ્યા બાઈક ચાલકે હડફેટે લેતા અકસ્માતનો બનાવ બન્યો હતો જેમાં વૃદ્ધને માથાના ભાગે ગંભીર ઇજા થઈ હોવાથી તેનું મોત નીપજ્યું હતું. આ બનાવ સંદર્ભે હાલમાં મૃતકના દીકરાએ હળવદ તાલુકા પોલીસ સ્ટેશન ખાતે અજાણ્યા બાઇક ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ ધ્રાંગધ્રામાં કસબા શેરી મસ્જિદની સામેના ભાગમાં રહેતા ઇલ્યાસભાઈ ઇકબાલભાઈ શા જાતે ફકીર મુસ્લિમ (૨૭)એ હાલમાં હળવદ તાલુકા પોલીસ સ્ટેશન ખાતે અજાણ્યા બાઈક ચાલક સામે ફરિયાદ નોંધાવેલ છે જેમાં તેને જણાવ્યુ છે કે, તેઓના પિતા ઈકબાલભાઈ કાળુશા શા જાતે ફકીર મુસ્લિમ (૫૬) ચાલીને કવાડિયા ગામના પાટીયાથી કવાડિયા ગામ તરફ જવાના રસ્તા ઉપર ચાલીને પગપાળા જઈ રહ્યા હતા ત્યારે તેઓના પિતાને કોઈ અજાણ્યા બાઈક ચાલકે હડફેટે લેતા તેને માથાના ભાગે ગંભીર ઈજા થઈ હતી અને શરીરે નાના મોટી ઈજા થઈ હતી જેથી કરીને તેને સારવાર માટે લઈ ગયા હતા અને સારવાર દરમિયાન તેઓનું મોત નીપજયું હતું જેથી કરીને હાલમાં મૃતકના દીકરાએ અજાણ્યા બાઇક ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે આરોપીને પકડવા માટે તજવીજ શરૂ કરેલ છે
