માળીયા (મી)ના મોટી બરાર ગામે વિવાદિત જગ્યા ઉપર સંડાસ-બાથરૂમ બનાવતી મહિલાને ત્રણ વ્યક્તિઓએ માર માર્યો
SHARE
JOIN OUR GROUP
માળીયા (મી)ના મોટી બરાર ગામે વિવાદિત જગ્યા ઉપર સંડાસ-બાથરૂમ બનાવતી મહિલાને ત્રણ વ્યક્તિઓએ માર માર્યો
માળીયા (મી)ના મોટી બરાર ગામે રહેતી મહિલા તેના ઘર પાસે જે જમીનનો વિવાદ ચાલતો હતો ત્યાં સંડાસ અને બાથરૂમ બનાવી રહી હતી જેના માટે પાયો પણ ખોદવામાં આવ્યો હતો જે પાયો બુરવાની ત્યાં રહેતા અન્ય પરિવારના લોકોએ કામગીરી કરી હતી જેથી તેને રોકતા મહિલાને ગાળો આપીને પથ્થરનો ઘા મારીને મહિલાને ઇજા કરી હતી તેમજ અન્ય મહિલાની સાથે ઝઘડો કરીને જપાજપી કરી હતી તેમજ ફરિયાદી મહિલાને જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વારા હાલમાં ત્રણ વ્યક્તિઓની સામે માળિયા તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે આરોપીને પકડવા માટે આગળની રાબેતા મુજબની કાર્યવાહી હાથ ધરી છે
જાણવા મળતી માહિતી મુજબ માળીયા (મી)ના મોટી બરાર ગામે રહેતી ભારતીબેન દીપકભાઈ મુન્સી જાતે અનુ. જાતિ (૨૮)એ હાલમાં માળિયાની તાલુકા પોલીસ સ્ટેશન ખાતે ભુરાલાલા ખીમજીભાઇ મુછડીયા, જયાબેન ભુરાલાલ મુછડીયા અને દક્ષાબેન વિરજીભાઈ મુછડીયા રહે. બધા મોટી બરાર વાળાની સામે ફરિયાદ નોંધાવેલ છે જેમાં તેને જણાવ્યું છે કે મોટી બરાર ગામે તેઓના ઘર પાસે જે જગ્યા બાબતે આરોપી ભુરાલાલ મુછડીયા સાથે વિવાદ ચાલે છે તે જગ્યા ઉપર ફરિયાદી મહિલા સંડાસ અને બાથરૂમ બનાવતા હતા જેના માટે ત્યાં પાયો ભરવા માટે પાયો ખોદેલ હતો જોકે, ભૂરાલાલ મુછડીયા તે પાયો બુરતા હોય પાયો બુરવાની ફરિયાદી મહિલાએ ના પાડી હતી જેથી કરીને તે ઉશ્કેરાઈ ગયા હતા અને ફરિયાદીને ગાળો આપીને અપશબ્દો કહ્યા હતા તેમજ પથ્થરનો ઘા મારીને કમરના ભાગે ઇજા કરી હતી તથા ફરિયાદી અને સાહેદ નિશાબેન આરોપીને સમજાવવા જતા જયાબેન અને દક્ષાબેન દ્વારા તેઓની સાથે ઝઘડો કરીને ઝપાઝપી કરી બોલાચાલી કરવામાં આવી હતી અને ફરિયાદી મહિલાને ભુરાલાલ મુછડીયાએ જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વારા માળીયા તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે આઈપીસી કલમ ૩૨૩, ૫૦૪, ૫૦૬(૨), ૧૧૪ તથા જી.પી.એક્ટ કલમ-૧૩૫ મુજબ ગુનો નોંધીને આગળની કાર્યવાહી હાથ ધરી છે અને આ અંગેની આગળની વધુ તપાસ માળિયા મીયાણા તાલુકા પોલીસ સ્ટેશનના એસ.કે. બાલાસરા ચલાવી રહ્યા છે
