હળવદના સિરોઈ પાસેથી નશાની હાલતમાં એસટીની બસ ચલાવતા ડ્રાઈવર ઝડપાયો

મોરબી આવતી એસટી બસના ડ્રાઇવરે નશો કર્યો હતો અને નશાની હાલતમાં તે બસ ચલાવી રહ્યો હતો જેથી કરીને હળવદના સિરોઈ નજીક બસમાં બેઠેલા મુસાફરોએ બસ ચાલકને નીચે ઉતાર્યો હતો અને ત્યાર બાદ બસના કંડકટરે હળવદ પોલીસ મથકમાં બસ ચાલક વિરુદ્ધ ફરિયાદ નોંધાવી હતી.

છોટાઉદેપુરથી એસટીની બસ મોરબી આવી રહી હતી ત્યારે હળવદ તાલુકાનાં માનસરથી શિરોઈ ગામ તરફ જતાં સમયે રસ્તાના સ્પીડ બ્રેકર ઠેકડયા હતા જેથી કરીને બસમાં બેઠેલા મુસાફરોએ બસના ડ્રાઇવર રમેશભાઈ શંકરભાઇ ડામોર (૪૭)ને નીચે ઉતારી મુક્યા હતા ત્યારે જ જોગાનું જોગ એસટીની ચેકીંગ ટીમ ત્યાં આવી હતી જેથી કરીને આ ગંભીર ઘટનામાં દારૂ પીને બસ ચલાવનારા ડ્રાઇવર આરોપી રમેશભાઈ શંકરભાઇ ડામોર સામે એસટી બસના કંડકટર અર્જુનસિંહ દોલતસિંહ પરમારે હળવદ ખાતે ફરિયાદ નોંધાવેલ છે જેથી પોલીસે આગળની કાર્યવાહી કરી છે