મોરબી જિલ્લા બિલ્ડર્સ એન્ડ લેન્ડ ડેવલપર્સ એસો.ની શનિવારે સાધારણ સભા
Morbi Today
મોરબી જીલ્લાના નકલી ટોલનાકાના ગુનામાં પકડાયેલા બે આરોપીના રિમાન્ડ પૂરા થતાં જેલ હવાલે
SHARE
JOIN OUR GROUP
મોરબી જીલ્લાના નકલી ટોલનાકાના ગુનામાં પકડાયેલા બે આરોપીના રિમાન્ડ પૂરા થતાં જેલ હવાલે
મોરબી જીલ્લામાં ગેરકાયદે ટોલનાકા બનાવવામાં આવ્યા હતા અને ત્યાંથી પસાર થતા વાહન ચાલકો પાસેથી ઉઘરાણા કરવામાં આવતા હતા. જેની વાંકાનેર સિટી પોલીસ સ્ટેશન ખાતે ફરિયાદ પણ નોંધાઈ હતી જેના આધારે પોલીસે બે આરોપીની ધરપકડ કરેલ હતી અને તે આરોપીને રિમાન્ડ કોર્ટમાંથી મેળવ્યા હતા જે રિમાન્ડ પૂરા થતાં બંને આરોપીને જેલ હવાલે કરવામાં આવેલ છે
વાંકાનેર નજીક વઘાસિયા પાસે ટોલ પ્લાઝા આવેલ છે આ ટોલનાકાને બાયપાસ કરીને ટોલનાકાની બાજુમાં આવેલ વ્હાઇટ હાઉસ નામના બંધ પડેલા કારખાનામાંથી ગેરકાયદેસર રસ્તો કાઢીને ગેરકાયદે ટોલના ઉઘરાણા કરવામાં આવતા હતા તેવી જ રીતે વઘાસીયા ગામ પાસેથી પણ વાહનોને ગેરકાયદે ઉઘરાણા કરીને પસાર કરવા દેવામાં આવતા હતા જે અંગેની ગત તા ૪ ડિસેમ્બરના રોજ વાંકાનેર વાઈટ હાઉસ કારખાનાના માલિક અમરશીભાઈ જેરામભાઈ પટેલ, વઘાસિયા ગામના માજી સરપંચ ધર્મેન્દ્રસિંહ ઝાલા સહિત કુલ મળીને પાંચ શખ્સોની સામે વિશ્વાસઘાત, છેતરપિંડી અને ઠગાઈની ફરિયાદ નોંધવામાં આવી હતી જે ગુનામાં આરોપી રવિરાજસિંહ વનરાજસિંહ ઝાલા અને હરવિજયસિંહ જયુભા ઝાલાની ધરપકડ કરવામાં આવી હતી અને આ આરોપીઓના કોર્ટમાંથી તા ૩ સુધીના રિમાન્ડ મેળવ્યા હતા જે રિમાન્ડ પૂરા થતાં આ બંને આરોપીને કોર્ટમાં રજૂ કરીને હાલમાં જેલ હવાલે કરવામાં આવેલ છે અત્રે ઉલેખનીય છે કે, આ ગુનામાં મુખ્ય સૂત્રધારા સહિતના આરોપીઓને પકડવાના બાકી છે જેથી તેને પકડવા માટે પોલીસે જુદીજુદી દિશામાં તપાસ શરૂ કરેલ છે
આરોપી પકડાયો
મોરબી જિલ્લા પેરોલ ફર્લો સ્કવોડના જયવંતસિંહ ગોહિલ, પૃથ્વીસિંહ જાડેજા, દશરથસિંહ ચાવડાને બાતમી મળી હતી કે, મોરબી સીટી એ ડીવીઝન પોલીસ મથકમાં દારૂના ગુનામાં નાસતો ફરતો આરોપી સીદીક ઈસ્માઈલ ચાનિયા રહે. વાઘપરા શેરી નં-૧૨ વાળો રવાપર ઘુનડા રોડ પર ઈમાનપીર દરગાહ પાસે છે જેથી કરીને પોલીસે ત્યાં જઈને આરોપી સીદીક ઈસ્માઈલ ચાનીયા (૫૩) ની ધરપકડ કરી હતી અને આરોપીને એ ડિવિઝન પોલીસ હવાલે કરેલ છે
