વાંકાનેરના રસિકગઢ ગામે વિકસિત ભારત સંકલ્પ યાત્રાનો કાર્યક્રમ યોજાયો
Morbi Today
મોરબી જિલ્લા કક્ષાના પ્રજાસત્તાક પર્વની ઉજવણી સંદર્ભે કલેક્ટરના અધ્યક્ષસ્થાને બેઠક યોજાઇ
SHARE
JOIN OUR GROUP
મોરબી જિલ્લા કક્ષાના પ્રજાસત્તાક પર્વની ઉજવણી સંદર્ભે કલેક્ટરના અધ્યક્ષસ્થાને બેઠક યોજાઇ
પ્રજાસતાક પર્વની ઉજવણીના ભાગરૂપે મોરબી કલેક્ટર કચેરીના સભાખંડ ખાતે પૂર્વ તૈયારી માટે કલેક્ટર જી.ટી.પંડ્યાના અધ્યક્ષસ્થાને બેઠક યોજાઈ હતી. આ વર્ષે ૨૬મી જાન્યુઆરીના રાષ્ટ્રીય તહેવારની મોરબી જિલ્લા કક્ષાની ઉજવણી માળિયા તાલુકાના ખાખરેચી ગામ ખાતે થનાર છે, જેના પૂર્વાયોજન માટે બેઠકનું આયોજન કરવામાં આવ્યું હતું.
આ બેઠક અન્વયે કલેક્ટરએ સાંસ્કૃતિક કાર્યક્રમો, સલામતી અને સુરક્ષા, ધ્વજ અને ધ્વજ પોલ, પરેડ, સ્ટેજ, ગ્રાઉન્ડ, બેઠક વ્યવસ્થા, મંડપ અને લાઈટિંગ, ટેબ્લો અને શુશોભન, પ્રોટોકોલ, ડાયસ વ્યવસ્થા, પીવાનું પાણી અને સ્વચ્છતા વગેરે બાબતો અંગે સબંધિત વિભાગો સાથે ચર્ચા કરી જરૂરી સૂચનાઓ આપી હતી. મોરબી જિલ્લામાં પ્રજાસત્તાક પર્વની રંગે ચંગે ઉજવણી કરવામાં આવનાર છે. ખાખરેચી ખાતે યોજાનાર જિલ્લા કક્ષાના કાર્યક્રમમાં આરોગ્ય વિભાગ, પીજીવીસીએલ, વાસ્મો, આત્મા અને પ્રાકૃતિક ખેતી, ડિઝાસ્ટર, તેમજ વિવિધ વિભાગના ટેબ્લો આકર્ષણ જમાવશે ઉપરાંત જવાનોની પરેડ પણ યોજાશે. દેશ ભક્તિથી રંગી દે તેવા સાંસ્કૃતિક કાર્યક્રમો રજૂ કરવામાં આવશે. આ બેઠકમાં નિવાસી અધિક કલેકટર એસ.જે. ખાચર, મોરબી પ્રાંત અધિકારી સુશીલ પરમાર, નાયબ કલેક્ટર સિધ્ધાર્થ ગઢવી, નાયબ પોલીસ અધિક્ષક પી.એ. ઝાલા સહિતના હાજર રહ્યા હતા
