ટંકારા તાલુકામાં જિનિંગ ફેકટરીમાંથી કોપર વાયરની ચોરી

ટંકારા તાલુકાનાં કલ્યાણપર ગામે આવેલ કોટન જિનિંગ ફેક્ટરીને તસ્કરોએ નિશાના બનાવી હતી અને ત્યાં મૂકવામાં આવેલા ઇલેક્ટ્રિક ટ્રાન્સ્ફોર્મરમાંથી ૧૮૦ કિલોગ્રામ કોપરની ચોરી કરવામાં આવી છે જેથી કરીને ટંકારા પોલીસ સ્ટેશને તેની ફરિયાદ નોંધાયેલ છે

જાણવા મળતી માહિતી મુજબ ટંકારા તાલુકાના કલ્યાણપર ગામે આવેલ ક્રિષ્ના કોટન જિનિંગ ફેક્ટરીને અજાણ્યા તસ્કરોએ નિશાના બનાવેલ છે અને ત્યાં મૂકવામાં આવેલ ઇલેક્ટ્રિક ટ્રાન્સ્ફોર્મરમાંથી ૧૮૦ કિલો ગ્રામ કોપર વાયરની ચોરી કરવામાં આવેલ છે જેથી કરીને તસ્કરો કુલ મળીને ૧.૧૭ લાખનો વાયર ચોરી ગયા છે જેથી કરીને હાલમાં ફેક્ટરીના માલિક મહેશભાઇ લક્ષ્મણભાઇ કાતડ રહે. ભગવતીપરા મેઇન રોડ, ઓમ શાંતિ સ્કુલની પાછળ, ગાંધી સ્મૃતિ સોસાયટી, રાજકોટ વાળાએ ટંકારા તાલુકા પોલીસ સ્ટેશને અજાણ્યા તસ્કરો સામે ચોરીની ફરિયાદ નોંધાવેલ છે જેના આધારે પોલીસે આરોપીને પકડવા માટે તજવીજ શરૂ કરી છે