હળવદમાં માનસિક અસ્થિર યુવતી ઉપર દુષ્કર્મ ગુજારનાર શખ્સને ૧૦ વર્ષની સજા

હળવદમાં થોડા વર્ષો પહેલા અસ્થિર મગજની યુવતી સાથે દુષ્કર્મ આચરવામાં આવ્યું હતું જે કેસ મોરબીની કોર્ટમાં ચાલી ગયો હતો તેમાં સરકારી વકીલે કરેલ દલીલને ધ્યાને લઈને કોર્ટે આરોપીએ ૧૦ વર્ષની સજા ફટકારી છે અને આ ઘટનાનો વિડીયો ઉતારનાર આરોપીના મિત્રને શંકાનો લાભ આપીને છોડી મુકવાનો આદેશ કરેલ છે

મોરબી જિલ્લાના હળવદ તાલુકમાં સવા ત્રણ વર્ષ પહેલા આરોપી મહેન્દ્રભાઈ ઉર્ફે કાળીયો ગંગારામભાઈ રાઠોડ (૨૩) રહે. નવા દલીતવાસ, બસ સ્ટેન્ડ પાછળ, હળવદ વાળાએ અસ્થિર મગજની યુવતી સાથે દુષ્કર્મ આચરવામાં આવ્યું હતું અને તે ઘટનાને હરેશભાઈ ઉર્ફે હરી નવધણભાઈ જાદવ (૨૮) રહે. નરસીપરા, ધાંગધ્રા, હાલ રહે. સંજીવની પાર્ક, હળવદ વાળાએ મોબાઈલમાં વિડીયો બનાવ્યો હતો અને તે વિડીયો વાયરલ કર્યો હતો જેની હળવદ તાલુકા પોલીસ સ્ટેશને ફરિયાદ નોંધાયેલ હતી. જે ગુનામાં પોલીસે આરોપીઓની ધરપકડ કરી હતી અને આ કેસ એડિશનલ સેશન્સ જજ સાહેબની કોર્ટમાં ચાલી જતા સરકારી વકીલ નીરજ ડી. કારીઆએ કરેલ દલીલને ધ્યાને રાખી કોર્ટે આરોપી મહેન્દ્રભાઈ ઉર્ફે કાળિયો ગંગારામભાઈ રાઠોડને ૧૦ વર્ષની સખ્ત કેદની સજા અને ૧૦,૦૦૦ નું વળતર ચૂકવવાનો આદેશ કરેલ છે અને જો વળતર ન ચૂકવે તો વધુ ૬ મહિનાની સજાનો આદેશ કરવામાં આવ્યો હતો અને આરોપી હરેશભાઇ ઉર્ફે હરિ નવઘણભાઈ જાદવને કોર્ટે શંકાનો લાભ આપી છોડી મુકેલ છે. તેમજ ભોગબનનારને કોર્ટે ૨,૫૦,૦૦૦ તેમજ આરોપી જો દંડની રકમ ભારે તો તેના સહિત ૨,૬૦,૦૦૦ વળતર પેટે ચુકવી આપવા હુકમ કર્યો છે.