વાંકાનેરના વઘાસિયા ટોલનાકા નજીક ડબલ સવારી બાઈકને ટ્રકના ચાલકે હડફેટે લેતા એકનું મોત: એક ઘાયલ

વાંકાનેર નજીક વઘાસિયા ટોલનાકા પહેલા આઇસર ટ્રકના ચાલકે ડબલ સવારી બાઈકને હડફેટે લીધું હતું જેથી કરીને અકસ્માતનો બનાવ બન્યો હતો અને આ બનાવમાં એક યુવાનનું મોત નીપજયું અને અને એક વ્યક્તિને ઈજા થઈ હોવાથી તેને સારવારમાં લઈ જવામાં આવેલ છે અને હાલમાં મૃતક યુવાનના દીકરાએ વાંકાનેર સિટી પોલીસ સ્ટેશન ખાતે આઇસર ટ્રકના ચાલક સામે ફરિયાદ નોંધવાતા પોલીસે ગુનો નોંધી આગળની કાર્યવાહી હાથ ધરી છે 

બનાવની જાણવા મળતી માહિતી મુજબ વાંકાનેર તાલુકાના વીરપર ગામે રહેતા દીપકભાઈ લાલજીભાઈ મકવાણા જાતિ અનુ.જાતિ (૨૩) એ આઇસર ટ્રક નંબર જીજે ૧૨ એક્સ ૩૪૫૫ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, તેના પિતા લાલજીભાઈ મોહનભાઈ મકવાણા (૪૨) તથા રામજીભાઈ અરજણભાઈ મકવાણા (૫૯) રહે. બંને વીરપર તાલુકો વાંકાનેર વાળા બાઈક નંબર જીજે ૩૬ જે ૩૦૫૬ લઈને વાંકાનેરના વઘાસીયા ટોલનાકા પાસે આવેલ મિટ્ટી કુલ સામે રોડ ઉપરથી પસાર થઈ રહ્યા હતા ત્યારે તેઓના ડબલ સવારી બાઇકને આઇસર ટ્રકના ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં ફરિયાદીના પિતા લાલજીભાઈ મોહનભાઈ મકવાણાને માથા અને પેટના ભાગે ગંભીર ઇજા થયેલ હોવાથી તેનું મોત નીપજયું હતું અને રામજીભાઈ મકવાણાને ઇજાઓ થઇ હોવાથી તેને સારવાર માટે હોસ્પિટલે ખસેડવામાં આવ્યા હતા અને અકસ્માતના આ બનાવ સંદર્ભે હાલમાં દીપકભાઈ મકવાણાએ નોંધાવેલ ફરિયાદ આધારે પોલીસે આઇસર ટ્રકને ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

ગળાફાંસો ખાઈ લેવાનો પ્રયાસ

મોરબીના વીસીપરા વિસ્તારની અંદર રહેતા ઈકબાલભાઈ ગુલામભાઈ માણેક (૩૫) નામના યુવાને પોતે પોતાના ઘરે હતો ત્યારે ગળાફાંસો ખાઈ લેવાનો પ્રયાસ કર્યો હતો જેથી કરીને તેને સારવાર માટે મોરબી શહેરના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવી હતી જેથી કરીને પોલીસે બનાવની નોંધ કરી આગળની કાર્યવાહી હતી અને આ બનાવની આગળ વધુ તપાસ મોરબી બી ડિવિઝન પોલીસ સ્ટેશનના પ્રફુલભાઈ પરમાર ચલાવી રહ્યા છે