હળવદના કેદારીયા પાસે ચાલીને રોડ ક્રોસ બાળકનું મોત નિપજાવનારા ડમ્પર ચાલક સામે ગુનો નોંધાયો

હળવદ માળીયા હાઇવે રોડ ઉપર આવેલ કેદારીયા ગામે હનુમાનજીના મંદિરની સામે રસ્તા ઉપર ડમ્પર ચાલકે પગપાળા ચાલીને રોડ ક્રોસ કરી રહેલા બાળકને હડફેટ લીધો હતો જેથી કરીને તે બાળકને માથા અને શરીરે ગંભીર ઇજા થઈ હોવાથી તે બાળકનું મોત નીપજયું હતું અને ડમ્પર વાળો તેનું વાહન લઈને સ્થળ ઉપરથી નાસી ગયો હતો જેથી કરીને હાલમાં મૃતક બાળકના પિતાએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ હળવદ તાલુકાના કેદારીયા ગામે રહેતા દેવજીભાઈ અમરશીભાઈ મજેઠીયા જાતે કોળી (૫૮) એ હળવદ તાલુકા પોલીસ સ્ટેશન ખાતે ડમ્પર નંબર જીજે ૧૩ ડબલ્યુ ૨૪૪૭ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, ગત તા. ૨૯/૧/૨૪ ના રોજ દોઢેક વાગ્યાના અરસામાં માળિયા હળવદ હાઇવે રોડ ઉપર કેદારીયા ગામે હનુમાનજી મંદિર સામે નાની તલાવડી પાસે હળવદથી કેદારીયા ગામ બાજુ આવવાના રોડ ઉપરથી તેનો આઠ વર્ષનો દીકરો ક્રિષ્ના દેવજીભાઈ મજેઠીયા પગપાળા ચાલીને રોડ ક્રોસ કરી રહ્યો હતો ત્યારે આરોપી ડમ્પર ચાલકે તેને હડફેટે લીધો હતો જેથી કરીને અકસ્માતનો બનાવ બન્યો હતો અને અકસ્માતના બનાવમાં ક્રિષ્નાને માથા અને શરીરે ગંભીર ઇજા થઈ હોવાથી તેનું મોત નીપજયું હતું અને ડમ્પર ચાલક અકસ્માત સર્જીને સ્થળ ઉપરથી નાસી ગયો હતો જેથી કરીને મૃત્યુ પામેલા બાળકના પિતાએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે આ અંગેની આગળની વધુ તપાસ પીએસઆઇ એમ.પી. સોનારા ચલાવી રહ્યા છે

અકસ્માતમાં ઇજા

મોરબી શહેરના વિસ્તારમાં આવેલ પાવન પાર્કમાં રહેતા શાંતાબેન છગનભાઈ વાઘડિયા (૭૦) નામના વૃદ્ધા મોરબીના ગેસ્ટ હાઉસ રોડ પર આવેલ ખાટકીવાસ પાસેથી બાઈકમાં પાછળના ભાગે બેસીને પસાર થઈ રહ્યા હતા ત્યારે કોઈ અકસ્માતે તે બાઈકમાંથી નીચે પટકાયા હતા જેથી કરીને શાંતાબેનને ઇજાઓ થઈ હતી માટે તેને સારવારમાં મોરબીની ખાનગી હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળ વધુ તપાસ હરેશભાઈ ચાવડા ચલાવી રહ્યા છે