મોરબી આહીર સેના દ્વારા પત્રકાર તુષાર બસિયા સામે નોધાયેલ ફરિયાદ રદ કરવાની માંગ
Morbi Today
ટંકારાના અમરાપર રોડ ઉપરના મસમોટા ગાબડા બુરવા જીલ્લા પંચાયતના વિપક્ષી નેતાની માંગ
SHARE
JOIN OUR GROUP
ટંકારાના અમરાપર રોડ ઉપરના મસમોટા ગાબડા બુરવા જીલ્લા પંચાયતના વિપક્ષી નેતાની માંગ
ટંકારા શહેરના પોસ વિસ્તારને જોડતા અમરાપર રોડ ઉપર છેલ્લા ઘણા સમયથી મસમોટા ગાબડા છે તેને બુરવામાં આવતા નથી જેથી કરીને ખાડા બુરવા માટે જીલ્લા પંચાયતના વિપક્ષી નેતા ભુપતભાઈ ગોધાણીએ હાલમાં રજુઆત કરેલ છે અને આગામી તા ૧૦ થી ૧૨ ફેબ્રુઆરીના મહોત્સવ પુર્વે ટંકારાની આથમણી બાજુ રૂડુંને રૂપાળું લાગે એવુ કામ કરનાર અધિકારીઓ જ્યા ઉતારો આપ્યો ત્યા પણ વ્યવસ્થા કરવા જણાવ્યું છે અને તાત્કાલિક કાર્યવાહી કરો નહીંતર નગરજનો જાતે કામ કરી તંત્રની પોલ છતી કરશે તેવી ચીમકી ઉચ્ચારી છે
ટંકારા જીલ્લા પંચાયતના ચૂંટાયેલા સદસ્ય અને મોરબી જિલ્લા પંચાયતના વિપક્ષના નેતા ભુપતભાઈ ગોધાણીએ માર્ગ અને મકાન વિભાગને રજૂઆત કરી છે તેમાં જણાવ્યુ છે કે, આગામી દિવસોમાં દેશના રાષ્ટ્રપતિ દ્રોપદી મુર્મુજી સહિતના મહાનુભાવો ટંકારામાં આવી રહ્યા છે તેની સાથોસાથ હજારો આર્ય સમાજના લોકો દેશ દેશાવરથી આવવાના છે જેને પગલે વહીવટી તંત્ર દ્વારા તડામાર તૈયારીઓ ચાલી રહી છે પરંતુ શહેરનો મુખ્ય માર્ગ શ્મશાન અને ગાયત્રી નગર નજીક મસમોટા ગાબડા અને પાણીના નિકાલ માટે હેરાન પરેશાન થઈ રહેલા નગરવાસી માટે તાકીદે કામગીરી કરવા સુચના આપી છે. અને જો આ કામ નહીં કરવામાં આવે તો આગામી દિવસોમાં નગરજનો જાતે કામ કરી તંત્રની પોલ છતી કરશે તેવી ચીમકી ઉચ્ચારી છે આગેવાને ઉચ્ચારી છે
