ટંકારાના લજાઈ ગામે કારખાનાની ઓરડીમાં મહિલાએ ન કરવાનું કરી નાખ્યું

ટંકારા તાલુકાના લજાઈ ગામ પાસે આવેલ મારુતિ પોલીમર્સ કારખાનાની ઓરડીમાં રહેતી મહિલાએ કોઈ કારણોસર દોરી વડે ગળાફાંસો ખાઈ લીધો હતો જેથી કરીને તેના મૃતદેહને હોસ્પિટલને લઈને આવ્યા હતા અને ત્યારબાદ આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ ટંકારા તાલુકાના લજાઈ ગામ પાસે આવેલ મારુતિ પોલીમર્સ નામના કારખાની ઓરડીમાં રહેતી અને ત્યાં મજૂર કામ કરતી સીતાબેન લોકેશભાઈ ધમાલા જાતે નેપાળી (૩૫) નામની મહિલાએ કારખાનાના લેબર ક્વાર્ટરમાં પોતાની જાતે પતરાની એંગલ સાથે દોરી બાંધીને ગળાફાંસો ખાઈને આપઘાત કરી લીધો હતો જેથી કરીને કારખાનેદાર પંકજભાઈ દયારામભાઈ મસોતએ આ બનાવની ટંકારા તાલુકા પોલીસને જાણ કરી હતી અને મૃતક મહિલાના મૃતદેહને પીએમ માટે હોસ્પિટલે ખસેડવામાં આવ્યો હતો ત્યારબાદ આ બનાવ અંગેની ટંકારા તાલુકા પોલીસે નોંધ કરી આગળની રાબેતા મુજબની કાર્યવાહી હાથ ધરી છે અને આ અંગેની આગળની તપાસ ટંકારા તાલુકા પોલીસ સ્ટેશનના એસ.બી. સીદીકી ચલાવી રહ્યા છે

અકસ્માતમાં ઇજા

મોરબીમાં નાની બજાર પાસે આવેલ લક્ષ્મીનારાયણ શેરીમાં રહેતા રાજેશ્રીબેન જનકભાઈ પંડ્યા (૭૩) નામના વૃદ્ધા બાઈકમાં બેસીને મોરબીના કન્યા છાત્રાલય રોડ ઉપર આવેલ શ્રીજીનગર પાસેથી પસાર થઈ રહ્યા હતા ત્યારે કોઈ કારણોસર અકસ્માતે બાઈક સ્લીપ થયું હતું જેથી ઈજા પામેલા વૃદ્ધાને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ વિપુલભાઈ પટેલ કરી રહયા  છે

ઝેરી દવા પીધી

મોરબીના રવાપર ગામ પાસે આવેલ એસપી રોડ ઉપર ઇડન કોલોની પાસે રહેતા કાળીબેન કનુભાઈ ભુરીયા (૪૫) નામની મહિલા કોઈ કારણોસર રાજુભાઈ પટેલની વાડીએ ઝેરી દવા પી ગઈ હતી જેથી તેને તાત્કાલિક સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર બાદ આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ વિપુલભાઈ પટેલ ચલાવી રહ્યા છે