ટંકારાના જબલપુર પાટિયા પાસે ડીવાઈડર કુદીને આવેલ સરકારી ગાડીએ આધેડનો ભોગ લીધો: એક સારવારમાં

ટંકારાના જબલપુર ગામના પાટીયા પાસેથી સરકારી ગાડી પસાર થઈ રહી હતી ત્યારે સરકારી ગાડી ડીવાઈડર કુદીને સામેની સાઈડ આવી ગઈ હતી અને ત્યાં ગાડી અને બાઈક અકસ્માત થયો હતો જેમાં એક વ્યક્તિનું મોત નીપજ્યું અને એક વ્યક્તિને ઈજા થયેલ હોવાથી તેને સારવાર માટે ખસેડાયા છે. અને આ બનાવની ટંકારા તાલુકા પોલીસને જાણ કરવામાં આવેલ છે

જાણવા મળતી માહિતી પ્રમાણે ટંકારા તાલુકાનાં જબલપુર ગામના પાટીયા નજીક પેટ્રોલપંપ નજીક જામનગર તરફથી આવતી જીજે ૩ જી ૧૮૨૮ નંબરની સરકારી ગાડી આવી રહી હતી ત્યારે તે ગાડી ડીવાઈડર કુદીને સામેના ભાગમાં રોડ ઉપર આવી ગઈ હતી અને સામેથી આવી રહેલા બાઈક સાથે અકસ્માત થયો હતો જે બનાવમાં સલિમભાઈ ઉશમાન ખેર(૫૦) રહે, મોટી સુરધ્રો નલીયા કચ્છ-ભુજ હાલ રહે. ટંકારા વાળાનું મોત થયું છે જો કે, સુરેશભાઈ નાનજીભાઈ પટેલ રહે. રાજકોટ કાલાવડ રોડ વાળાને ઈજા થયેલ હોવાથી તેને સારવાર માટે રાજકોટ લઈ જવામાં આવેલ છે અને આ બનાવની ટંકારા તાલુકા પોલીસને જાણ કરતાં આઈ.ટી. જામ આગળની વધુ તપાસ કરી રહ્યા છે