લોકસભાની સુરેન્દ્રનગર બેઠક માટે ભાજપના ઉમેદવાર મોરબી જિલ્લા પંચાયતના માજી પ્રમુખ ચંદુભાઈ સિહોરા
Morbi Today
માળીયા (મી)માં માવતરના ઘરે આવેલ પરિણીતાએ કરેલ આપઘાતના બનાવમાં મૃતકના પતિ સામે ફરીયાદ
SHARE
JOIN OUR GROUP
માળીયા (મી)માં માવતરના ઘરે આવેલ પરિણીતાએ કરેલ આપઘાતના બનાવમાં મૃતકના પતિ સામે ફરીયાદ
માળીયા મીયાણામાં આવેલ નવા રેલ્વે સ્ટેશન વિસ્તારમાં માવતરના ઘરે આવેલ પરણીતાએ ગળાફાંસો ખાઈ લીધો હતો જેથી કરીને તેના મૃતદેહને માળિયાની સરકારી હસ્પિટલે લઈને આવ્યા હતા અને આ બનાવ અંગેની માળિયા તાલુકા પોલીસને હોસ્પિટલ મારફતે જાણ કરવામાં આવી હતી હાલમાં મૃતક મહિલાના ભાઈએ તેના જમાઈની સામે ફરિયાદ નોંધાવતા પોલીસે મરવા મજબૂર કર્યા અંગેનો ગુનો નોંધી આગળની કાર્યવાહી હાથ ધરી છે
બનાવી જાણવા મળતી માહિતી મુજબ માળીયા મીયાણાના નવા રેલવે સ્ટેશન વિસ્તારમાં માવતરના ઘરે આવેલ મુમતાજબેન અસલમભાઈ મોવર (૩૧) રહે. ધાંગધ્રા વાળીએ તા. ૧૧/૩ ના રોજ ગળાફાંસો ખાઈ લીધો હતો જેથી કરીને તેના પરિવારજનો તાત્કાલિક માળિયાની સરકારી હોસ્પિટલ ખાતે તેને સવારે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કરી હતી અને ત્યારબાદ આ બનાવની હોસ્પિટલ મારફતે માળિયા મીયાણા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે વધુમાં પોલીસ સુત્રો પાસેથી જાણવા મળતી માહિતી પ્રમાણે મૃતક મહિલાનો લગ્ન ગાળો ૧૦ માસનો હતો આ બનાવમાં હાલમાં માળિયા મીયાણામાં નવા રેલવે સ્ટેશન પાસે રહેતા શાહિદભાઈ ઇસ્માઈલભાઈ કટિયા જાતે મિયાણા (૩૦) એ તેના જમાઈ અસલમભાઈ હબીબભાઈ મોવર રહે ધાંગધ્રા વાળાની સામે તેની બહેનને મરવા માટે મજબૂર કરી હોવા અંગેની ફરિયાદ નોંધાવી છે જેમાં તેણે જણાવ્યુ છે કે તેની બહેનને તેના પતિ અવારનવાર ઘરકામ બાબતે મેણા ટોણા મારી ખોટી શંકા વહેમ રાખતા હતા અને અવારનવાર ફોન ઉપર માનસિક ત્રાસ આપતા હતા જેથી કરીને તેણે માવતરના ઘરે ગળાફાંસો ખાઈને આપઘાત કરેલ છે આ ફરિયાદના આધારે પોલીસે ગુનો નોંધીને આગળની કાર્યવાહી હાથ ધરી છે
દારૂની એક બોટલ
મોરબીના કાલિકા પ્લોટ શેરી નંબર ૧ માંથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી પોલીસે ૩૦૦ ની કિંમતની દારૂની બોટલ સાથે અસગરભાઈ અબ્દુલભાઈ ચાનીયા જાતે સંધિ (૪૭) રહે કબીર ટેકરી શેરી નંબર ૮ રોયલ ટાઇલ્સ પાછળ મોરબી વાળાની ધરપકડ કરેલ છે અને તેની સામે મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
