મોરબી જિલ્લા એલસીબીનો ચાર્જ એમ.પી. પંડ્યા અને તાલુકાનો ચાર્જ એન.આર.મકવાણાને સોપાયો
SHARE
JOIN OUR GROUP
મોરબી જિલ્લા એલસીબીનો ચાર્જ એમ.પી. પંડ્યા અને તાલુકાનો ચાર્જ એન.આર.મકવાણાને સોપાયો
મોરબી તાલુકાના લાલપર ગામ પાસે સાન્વી ટ્રેડિંગ નામની ગોડાઉનમાં એસએમસીની ટીમ દ્વારા ૨૦ તારીખે રાત્રીના સમયે રેડ કરવામાં આવી હતી અને ૧.૫૧ કરોડ રૂપિયાનો દારૂ તેમજ બે ટ્રક, બે બોલેરો અને એક હોન્ડા સિટી કાર સહિત કુલ મળીને ૨.૨૦ કરોડનો મુદામાલ કબ્જે કરીને ૧૦ આરોપીઓને પકડવામાં આવેલ હતા અને મુખ્ય સૂત્રધાર સહિત કુલ મળીને ૨૧ આરોપીની સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ હતી અને આ ઘટનાના પડઘા રૂપે રાજ્યના પોલીસ વડા દ્વારા મોરબી જિલ્લા એલસીબીના પીઆઇ તથા મોરબી તાલુકા પોલીસ સ્ટેશનના પીઆઇ ને સસ્પેન્ડ કરવામાં આવેલ છે. ત્યારબાદ મોરબી જિલ્લા એલસીબીનો ચાર્જ એસઓજીના પીઆઇને તથા મોરબી તાલુકા પોલીસ સ્ટેશનનો ચાર્જ મોરબી જિલ્લા સાઇબર ક્રાઇમ પોલીસ સ્ટેશનના પીઆઇને સોપવામાં આવેલ છે
દેશમાં લોકસભાની ચૂંટણી જાહેર થઈ ગઈ છે અને ચૂંટણી જાહેર થઈ ગયા બાદ કોઈપણ જગ્યાએથી દારૂનો મોટો જથ્થો પકડાય કે કોઈ મોટી રોકડ પકડાય તો તે અંગેની જાણ ચૂંટણી પંચને કરવાની થતી હોય છે ત્યારે મોરબી નજીક લાલપર ગામ પાસે ગોડાઉનમાંથી અમદાવાદના લીસ્ટ બુટલેગર જીમિત પટેલનો ૧.૫૧ કરોડ રૂપિયાની કિંમતનો દરૂનો જથ્થો પકડાયો જ હતો જેથી કરીને આ અંગેની જાણ ચૂંટણી પંચને કરવામાં આવી હતી અને ત્યારબાદ પંચના આદેશ મુજબ રાજ્યના પોલીસ વડા વિકાસ સહાય દ્વારા મોરબી જિલ્લા એલસીબીના પીઆઇ ડી.એમ. ઢોલ તથા મોરબી તાલુકા પોલીસ સ્ટેશનના પીઆઈ કે.એ. વાળાને સસ્પેન્ડ કરવામાં આવ્યા છે. ત્યારબાદ મોરબી જિલ્લા એલસીબીના ચાર્જ હાલમાં મોરબીના એસપી રાહુલ ત્રિપાઠી દ્વારા મોરબી જિલ્લા એસઓજીના પીઆઈ એમ.પી. પંડ્યા ને સોંપવામાં આવેલ છે આવી જ રીતે મોરબી તાલુકા પોલીસ સ્ટેશનનો ચાર્જ મોરબી જિલ્લા સાયબર ક્રાઇમ પોલીસ સ્ટેશનના પીઆઇ એન.આર. મકવાણાને સોંપવામાં આવ્યો છે
