મોરબીના લાલપર પાસેથી કાર ચાલકે ડબલ સવારી બાઈક હડફેટે લેતા ઇજા પામેલા બંને યુવાન રાજકોટ સારવારમાં
Morbi Today
મોરબીના ખેવારીયા ગામે વાડીએ કામ દરમ્યાન મશીનમાં હાથ આવી જતાં ઇજા પામેલ યુવાન રાજકોટ સારવારમાં
SHARE
JOIN OUR GROUP
મોરબીના ખેવારીયા ગામે વાડીએ કામ દરમ્યાન મશીનમાં હાથ આવી જતાં ઇજા પામેલ યુવાન રાજકોટ સારવારમાં
મોરબી તાલુકાના ખેવારીયા ગામે રહીને વાડીમાં મજૂરી કામ કરતા યુવાનોનો હાથ મશીનમાં આવી ગયો હતો જેથી તેને ગંભીર ઇજા થઈ હતી અને તેને સારવાર માટે પ્રથમ મોરબી ત્યાંથી વધુ સારવાર માટે રાજકોટ લઈ જવામાં આવેલ છે અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મૂળ વિરમગામના શાહપુર ખાતે રહેતા અને હાલમાં મોરબી તાલુકાના ખેવારિયા ગામે રાજેન્દ્રસિંહની વાડીએ રહીને મજૂરી કામ કરતા અશોકભાઈ મેલાભાઈ પઢાર (૩૩) નામના યુવાનનો કામગીરી દરમિયાન મશીનમાં હાથ આવી જતા ગંભીર ઇજા થઈ હતી જેથી તેને સારવાર માટે પ્રથમ મોરબીની સિવિલ હોસ્પિટલ ખાતે લઈને આવ્યા હતા ત્યાં પ્રાથમિક સારવાર આપીને વધુ સારવાર માટે રાજકોટ લઈ જવામાં આવેલ છે અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે અને આ બનાવની આગળની વધુ તપાસ ફિરોજભાઈ સુમરા ચલાવી રહ્યા છે
ઝેરી દવા પીધી
મોરબી તાલુકાના કેરાળા ગામથી ખોખરા હનુમાન તરફ જવાના રસ્તા ઉપર આવતી વાડીએ રહીને મજૂરી કામ કરતા દિલીપ રણછોડભાઈ (૨૩) નામના યુવાને કોઈ અકળ કારણોસર ઝેરી દવા પી લીધી હતી જેથી કરીને તેને સારવાર માટે મોરબીમાં આવેલ ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ કરી છે અને આ બનાવની આગળ વધુ તપાસ મનીષભાઈ બારૈયા ચલાવી રહ્યા છે
બાઈકમાંથી પડી ગયા
મોરબીમાં વાંકાનેર દરવાજા પાસે આવેલ લોહાણાપરા શેરી નં-૧ માં રહેતા ભગવતીબેન વલ્લભદાસ પઢીયાર (૭૬) નામના વૃદ્ધા બાઈકમાં બેસીને શેરી પાસેથી પસાર થઈ રહ્યા હતા ત્યારે અકસ્માતે તેઓ બાઈકમાંથી નીચે પડી જતા તેને ઈજા થઈ હતી અને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
