મોરબીના ઊંચી માંડલ પાસે કારખાનામાં પત્ની સાથે બોલાચાલી-ઝઘડા બાદ યુવાને ન કરવાનું કર્યું
Morbi Today
મોરબીના અમરેલી પાટીયા પાસેથી અજાણ્યા વાહન ચાલકે ડબલ સવારી બાઈક હડફેટે લેતા અકસ્માત: બે વ્યક્તિ સારવારમાં
SHARE
JOIN OUR GROUP
મોરબીના અમરેલી પાટીયા પાસેથી અજાણ્યા વાહન ચાલકે ડબલ સવારી બાઈક હડફેટે લેતા અકસ્માત: બે વ્યક્તિ સારવારમાં
મોરબી તાલુકાના અમરેલી ગામના પાટીયા પાસેથી ડબલ સવારી બાઈક પસાર થઈ રહ્યું હતું ત્યારે કોઈ અજાણ્યા વાહન ચાલકે બાઈકને હડફેટે લીધું હતું જેથી અકસ્માતનો બનાવ બન્યો હતો જેમાં બે વ્યક્તિઓને ઈજા થઈ હોવાથી તેને સારવાર માટે તેને મોરબીની ખાનગી હોસ્પિટલમાં લઈને આવ્યા હતા ત્યારે તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
જાણવા મળતી માહિતી મુજબ મોરબી શહેરના સામાકાંઠા વિસ્તારમાં સર્કિટ હાઉસ સામેના ભાગમાં આવેલ વિદ્યુતનગરમાં રહેતા સાહિલ ભરતભાઈ ઉપસરિયા (૧૮) અને રોનક મનસુખભાઈ બાબરીયા (૧૩) નામના બે વ્યક્તિ બાઈક ઉપર મોરબી તાલુકાના અમરેલી ગામના પાટીયા પાસેથી પસાર થઈ રહ્યા હતા ત્યારે તેઓના ડબલ સવારી બાઇકને કોઈ અજાણ્યા વાહન ચાલકે હડફેટે લેતા અકસ્માત થયો હતો અને તે બનાવમાં સાહિલ અને રોનકને ઈજાઓ થઈ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ એમ.એલ. બારૈયા ચલાવી રહ્યા છે
બાઇક સ્લીપ
મોરબીના ધરમપુર રોડ ઉપર આવેલ ભાગલક્ષ્મી સોસાયટીમાં રહેતા જયદીપસિંહ દિગુભા રાઠોડ (૨૦) નામનો યુવાન મોરબીના મહેન્દ્રનગર રોડ ઉપર આવેલ કુળદેવી પાન નજીક હતો ત્યારે ત્યાં કોઈ કારણોસર અકસ્માતે બાઈક સ્લીપ થઈ ગયું હતું આ બનાવમાં યુવાનને ઇજા થઈ હોવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતા પોલીસ આગળની કાર્યવાહી હાથ ધરી છે અને વધુ તપાસ એચ.એમ. મકવાણા ચલાવી રહ્યા છે
