મોરબી બી ડિવિઝન પોલીસ સ્ટેશન સામે ટ્રક ચાલકે હડફેટે લેતા પગપાળા જઈ રહેલા યુવાનનું મોત

મોરબીમાં ઉમા ટાઉનશીપ નજીક રહેતો યુવાન મોરબી બી ડિવિઝન પોલીસ સ્ટેશન સામેથી પગપાળા ચાલીને જઈ રહ્યો હતો ત્યારે કોઈ અજાણ્યા ટ્રક ચાલકે તેને હડફેટે લેતા તેનું ઘટના સ્થળે જ મોત નીપજયું હતું ત્યારબાદ તેના મૃતદેહને સિવિલ હોસ્પિટલે લઈ ગયા હતા અને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મોરબીમાં ઉમા ટાઉનશિપ નજીક રહેતા જગદીશભાઈ ડાયાભાઈ ધામેચા (૩૦) નામનો યુવાન મોરબી શહેરના બી ડિવિઝન પોલીસ સ્ટેશન સામેથી પગપાળા ચાલીને જઈ રહ્યો હતો ત્યારે કોઈ અજાણ્યા ટ્રક ચાલકે તેને હડફેટે લેતા ગંભીર ઇજા થઈ હોવાથી તેનું ઘટના સ્થળે જ મોત નીપજયું હતુ ત્યારબાદ તેના મૃતદેહને મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ એચ.એમ, મકવાણા ચલાવી રહ્યા છે

અકસ્માતમાં ઇજા

મોરબીના નવલખી રોડ ઉપર આવેલ નીલકંઠ રેસિડેન્સીમાં રહેતા કંજારીયા પીતાંબરભાઈ વિશાભાઈ નામના વ્યક્તિ સાયકલ લઈને સેન્ટ મેરી સ્કૂલ ફાટક પાસેથી પસાર થઈ રહ્યા હતા ત્યારે કોઈ કારણોસર અકસ્માતે તેઓ પડી જતા તેઓને ઈજા થઈ હતી અને ઇજા પામેલ હાલતમાં તેને સારવાર માટે મોરબીની ખાનગી હોસ્પિટલમાં લાવ્યા હતા ત્યાં તેને સારવાર આપ્યા બાદ આ બનાવની જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે અને આ અંગેની આગળ વધુ તપાસ પી.જે. પરમાર ચલાવી રહ્યા છે