મોરબીમાં ત્રાજપર ચોકડીએ હરી ચેમ્બરમાં છ દુકાનમાં તસ્કરોના ધામા

મોરબીમાં ત્રાજપર ચોકડી પાસે આવેલ હરી ચેમ્બરમાં તસ્કરોએ ધામા નાખ્યા હતા અને વહેલી સવારે એક કે બે નહીં પરંતુ ૬ જેટલી દુકાનના તાળા તોડ્યા છે અને ત્યાંથી સોપારી, સિગારેટ વિગેરે પરચુરણ આઈટમની ચોરી કરવામાં આવેલ છે અને આ ઘટના સીસીટીવી કેમેરામાં કેદ થયેલ છે જેથી કરીને પોલીસને બનાવની જાણ કરવામાં આવતા પોલીસે બનાવની નોંધ કરીને આગળની કાર્યવાહી કરેલ છે

જાણવા મળતી માહિતી મુજબ મોરબીની ત્રાજપર ચોકડી પાસે આવેલ હરિ ચેમ્બરમાં શુક્રવારે વહેલી સવારે ચાર વાગ્યે તસ્કરોએ ધામા નાખ્યા હતા અને એક કે બે નહીં પરંતુ છ દુકાનોને નિશાન બનાવેલ છે અને તેમાંથી નાની મોટી વસ્તુઓની ચોરી કરેલ છે જેમાં શિવ શક્તિ પાન નામની દુકાનમાંથી સોપારી, સિગારેટ, આઈડિયલ હેર ડ્રેસરની ચોરી કરી છે તો માં આશાપુરા ટેલિકોમ, મધુરમ પાન, ચામુંડા ટ્રાન્સપોર્ટ, બેનટેક એન્ટરપ્રાઇઝ નામની દુકાનમાંથી પરચુરણ મુદામાલ અને રોકડા રૂપિયા તેમજ પેઇન ડ્રાઇવની ચોરી કરી છે અને આ સમગ્ર ઘટના શોપિંગમાં મૂકવામાં આવેલ સીસીટીવી કેમેરામ કેદ થઈ ગયેલ છે જેથી કરીને વેપારીઓ દ્વારા આ બનવાની મોરબી બી ડિવિઝન પોલીસને જાણ કરવામાં આવી હતી અને પોલીસે આરોપીઓને પકડવા માટે તજવીજ શરૂ કરી છે