મોરબીના લાતી પ્લોટમાં જાહેરમાં જુગાર રમતા બે શખ્સની ૧૨,૬૦૦ ની રોકડ સાથે ધરપકડ

મોરબીના લાતી પ્લોટ શેરી નં-૨ માં જાહેરમાં જુગાર રમતા હોવા અંગેની હકીકત મળી હતી જેને આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી બે શખ્સો જુગાર રમતા મળી આવ્યા હતા જેથી કરીને પોલીસે ૧૨,૬૦૦ ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ મોરબી સીટી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના લાતી પ્લોટ શેરી નં-૨ માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે બે શખ્સો જુગાર રમતા મળી આવ્યા હતા જેથી કરીને પોલીસે ઇમરાનભાઈ ગફારભાઈ પરમાર (૪૦) રહે. લાતી પ્લોટ શેરી નં-૮ મોરબી અને પ્રવીણભાઈ માવજીભાઈ મકવાણા (૪૨) રહે. જેલ રોડ અનુ. જાતિવાસ શેરી નં-૪ મોરબી વાળાની ધરપકડ કરી હતી અને તેની પાસેથી ૧૨,૬૦૦ ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે