મોરબી પતિ સહીતનાસાસરીયાના ત્રાસથી તરછોડાયેલ પીડિતાને ૧૮૧ અભયમ ટીમે સધીયારો આપ્યો
Morbi Today
મોરબીના નવલખી રોડ ઉપરથી ૩૭૦ બોટલ દારૂ ભરેલ ટેમ્પો પકડાયો, ત્રણની ધરપકડ
SHARE
JOIN OUR GROUP
મોરબીના નવલખી રોડ ઉપરથી ૩૭૦ બોટલ દારૂ ભરેલ ટેમ્પો પકડાયો, ત્રણની ધરપકડ
મોરબી સીટી બી ડિવિઝન પોલીસ સ્ટાફને મળેલી બાતમીના આધારે મોડીરાત્રિના શહેરના નવલખી રોડ ઉપર આવેલ સેન્ટમેરી ફાટક નજીક વોચ ગોઠવી હતી દરમિયાનમાં નવલખી રોડ સેન્ટમેરી સ્કૂલ પાસેથી બાતમી મુજબનો ટેમ્પો મળી આવતા ટેમ્પાની તલાશી લેવામાં આવી હતી.જેથી ટેમ્પોમાંથી વિદેશી દારૂની ૩૭૦ બોટલ દારૂ મળી આવ્યો હતો.જેથી રૂા.૧,૩૮,૭૫૦ ની કિંમતનો દારૂ અને રૂા.૨.૫૦ લાખની કિંમતનો ટેમ્પો એમ કુલ મળીને રૂા.૩,૮૮,૭૫૦ ના મુદ્દામાલ સાથે હાલમાં ત્રણ ઈસમોની ધરપકડ કરીને "માલ" ક્યાંથી આવ્યો હતો..? તે દિશામાં આગળની તપાસ હાથ ધરી હોવાનું જાણવા મળેલ છે.
મોરબી સીટી બી ડિવિઝન પોલીસ સૂત્રોમાંથી મળતી માહિતી મુજબ પોલીસ મથકના ઇકબાલભીઇ સુમરા અને કેતનભાઇ અજાણાને મળેલ બાતમીના આધારે મોરબીના નવલખી રોડ ઉપર આવેલ સેન્ટમેરી ફાટક નજીક વોચ ગોઠવવામાં આવી હતી.પોલીસને બાતમી મળી હતી કે ટેમ્પો નંબર જીજે ૧૪ એકસ ૭૧૬૫ માં વિદેશી દારૂનો મોટો જથ્થો આવી રહ્યો છે.તેથી નવલખી રોડ સેન્ટમેરી સ્કૂલની સામેની ભાગે રોડ ઉપરથી મળી આવેલ ઉપરોક્ત નંબરના ટેમ્પોને અટકાવીને ટેમ્પોની તલાસી લેવામાં આવતા ટેમ્પોમાંથી વિદેશી દારૂની ૩૭૦ બોટલો મળી આવતા રૂા.૧,૩૮,૭૫૦ ની કિંમતનો વિદેશી દારૂ તેમજ રૂપિયા અઢી લાખની કિંમતનો ટેમ્પો એમ કુલ મળીને રૂા.૩,૮૮,૭૫૦ ની કિંમતના મુદ્દામાલ સાથે પોલીસે સ્થળ ઉપરથી જીગ્નેશ હરેશ પરમાર જાતે કોળી (૨૯) રહે.વીશીપકા મહાકાળી ઓઇલ મીલ પાસે, મસ્જીદ નજીક સ્મશાન રોડ, મોરબી, જલ્પેશ વિનોદ ખાખી જાતે કંસારા (૩૨) રહે.લક્ષ્મીનારાયણ સોસાયટી નવલખી રોડ મોરબી વાળાઓની સ્થળ ઉપરથી ધરપકડ કરી હતી અને આ માલ મોરબીના નવલખી રોડ સેન્ટ મેરીસ સ્કૂલ નજીક આવેલા રણછોડનગરમાં રહેતા રવિ જીતેન્દ્ર પાલા જાતે સોનીએ મંગાવ્યો હોય મોડી રાત્રિના ત્રણેય બુટલેગરોની ધરપકડ કરવામાં આવી હતી અને ઉપરોક્ત દારૂનો જથ્થો કોને મોકલ્યો છે..? અને તે કયાં પહોંચાડવાનો હતો..? તે દિશામાં બી ડિવિજન પોલીસે આગળની તપાસ હાથ ધરી છે.
