વાંકાનેરના માટેલ રોડે કારખાનામાં વીજ શોર્ટ લાગતાં સારવારમાં ખસેડાયેલ યુવાનનું મોત
Morbi Today
હળવદની સરા ચોકડી યુવાન સાથે રિક્ષા અથડાવીને ઝપાઝપી કરીને જાનથી મારી નાખવાની ધમકી
SHARE
JOIN OUR GROUP
હળવદની સરા ચોકડી યુવાન સાથે રિક્ષા અથડાવીને ઝપાઝપી કરીને જાનથી મારી નાખવાની ધમકી
હળવદની સરા ચોકડી પાસે ફરસાણની દુકાન નજીક ઉભેલા યુવાનની સાથે રીક્ષા ચાલકે રિક્ષા અથડાવ્યા બાદ તેની સાથે બોલાચાલી કરી હતી અને યુવાનનો શર્ટનો કોલર પકડીને ઝપાઝપી કરી હતી ત્યાર બાદ તેના પગ ઉપર રિક્ષાનું વ્હીલ ચડાવી દીધું હતું અને યુવાનને જાનથી મારી નાખવાની ધમકી આપવામાં આવી હતી જેથી કરીને ભોગ બનેલા યુવાન દ્વારા સારવાર લેવામાં આવ્યા બાદ હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મૂળ ઉત્તરપ્રદેશના રહેવાસી અને હાલમાં હળવદ શાકમાર્કેટ સામે મામાના ચોરે રહેતા અંકિતકુમાર સતપાલ શર્મા જાતે બ્રાહ્મણ (23) નામના યુવાને હળવદ તાલુકા પોલીસ સ્ટેશન ખાતે સંજયભાઈ મેપાભાઇ ભરવાડ રહે. હળવદ વાળાની સામે ફરિયાદ નોંધાવી છે જેમાં તેને જણાવ્યુ છે કે, હળવદની સરા ચોકડી પાસે આવેલ જૈનમ સ્વીટ એન્ડ ફરસાણ નામની દુકાન પાસે તે ઉભો હતો ત્યારે આરોપીએ તેની રીક્ષા તેની સાથે અથડાવી હતી અને ત્યારબાદ રીક્ષા ચાલકે બોલાચાલી કરીને યુવાનને ગાળો આપી હતી તેમજ યુવાનનો કોલર પકડીને શર્ટ ખેંચી તેની સાથે ઝપાઝપી કરી હતી અને ત્યાર બાદ તેના પગ ઉપર રિક્ષા ચડાવી દઈને તેને ઇજા કરી હતી. અને જાનથી મારી નાખવાની ધમકી આપેલ છે જેથી ભોગ બનેલ યુવાન દ્વારા સારવાર લેવામાં આવ્યા બાદ આ બનાવ સંદર્ભે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
અકસ્માતમાં ઇજા
મોરબીના રવાપર નજીક વાડી વિસ્તારમાં રહેતા બેચરભાઈ રામજીભાઈ પરમાર (68)ને અવની ચોકડી પાવઠાની વાડી ચોકિયા હનુમાન પાસે અકસ્માતમાં બનાવમાં ઈજા થયેલી હતી જેથી તેને સારવાર માટે મોરબીની ખાનગી હોસ્પિટલમાં આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતાં પોલીસે આગળની કાર્યવાહી હાથ ધરી છે.
વિછિ કરડી જતાં સારવારમાં
માળિયા મિયાણા તાલુકાના ઘાટીલા ગામે રહેતા નંદુભાઈ રાઠવાના ત્રણ વર્ષના દીકરા અંકુરને વાડી વિસ્તારમાં હતો ત્યારે ત્યાં વીંછી કરડી ગયો હતો જેથી તેને સારવાર માટે જેતપર સામુહિક આરોગ્ય કેન્દ્ર ખાતે લઈને આવ્યા હતા. ત્યા સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવી નોંધ કરી આગળની કાર્યવાહી કરેલ છે
