હળવદના બ્રાહ્મણી-1 ડેમની ઓફિસના બાથરૂમ ઉપરથી 162 બોટલ દારૂ-96 બિયરના ટીન ઝડપાયા
મોરબીના સનાળા રોડે અમુલના પાર્લર પાસે ક્રિકેટ સટ્ટો રમતા બે શખ્સ ઝડપાયા
SHARE
મોરબીના સનાળા રોડે અમુલના પાર્લર પાસે ક્રિકેટ સટ્ટો રમતા બે શખ્સ ઝડપાયા
મોરબીના સનાળા રોડ ઉપર ભક્તિનગર સર્કલ પાસે અમુલના પાર્લર નજીક બેઠા બેઠા મોબાઇલમાં ઓનલાઇન ક્રિકેટ મેચ જોઈને તેના ઉપર ક્રિકેટ સટ્ટો રમતા બે શખ્સને પોલીસે ઝડપી લીધા હતા અને તેની પાસેથી રોકડા રૂપિયા તથા ત્રણ મોબાઈલ ફોન આમ કુલ મળીને 17,250 ની કિંમતનો મુદ્દામાલ કબજે કર્યો છે અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
જાણવા મળતી વિગત પ્રમાણે મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના સનાળા રોડ ઉપર ભક્તિનગર સર્કલ પાસે આવેલ નાયરાના પેટ્રોલ પંપ પાસે શેરીના ખૂણે આવેલા અમૂલ પાર્લરના ઓટલા ઉપર બેઠેલા બે શખ્સો મોબાઇલ ફોનમાં betbox247.com ની આઈડી મેળવીને અન્ય ગ્રાહકો સાથે ફોન ઉપર ક્રિકેટ મેચમાં હાર જીતનો સટ્ટો રમતા હોવાનું સામે આવ્યું હતું જેથી પોલીસે તમિલનાડુ પ્રીમિયર લીગની મેચ ઉપર ક્રિકેટ સટ્ટો રમતા મળી આવેલ શખ્સો પાસેથી 2,250 ની રોકડ તથા 15,000 રૂપિયાની કિંમતના ત્રણ મોબાઇલ ફોન આમ કુલ મળીને 17,250 ની કિંમતનો મુદ્દામાલ કબજે કર્યો હતો અને આરોપી કાસમભાઈ મામદભાઈ દલ જાતે સંધિ મુસ્લિમ (50) રહે. વજેપર શેરી નં-5 રામજી મંદિરની સામે મોરબી તથા જયેન્દ્રસિંહ નવુભા ઝાલા જાતે દરબાર (49) રહે. નાયરાના પેટ્રોલ પંપની પાછળ ભક્તિનગર સર્કલ પાસે ઉમિયા આશ્રમની બાજુમાં મોરબી વાળાની ધરપકડ કરી હતી અને તેની સામે મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને પોલીસ આગળની કાર્યવાહી હાથ ધરી છે