હળવદના મથક ગામે વાડીની ઓરડીમાં જુગારની રેડ: 6 પકડાયા, 1 નાશી ગયો

હળવદ તાલુકાના માથક ગામની ગામની સીમમાં આવેલ વાડીએ ઓરડીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા શખસોમાં નાશભાગ મચી ગઈ હતી. જો કે પોલીસે સ્થળ ઉપરથી કુલ છ આરોપીઓની 37,300 ની કિંમત ના મુદ્દામાલ સાથે ધરપકડ કરેલ છે અને એક આરોપી નાસી ગયેલ હોય તેને પકડવા માટે પોલીસે તજવીજ શરૂ કરી છે.

જાણવા મળતી માહિતી પ્રમાણે મોરબી જિલ્લા એલસીબીની ટિમ પેટ્રોલીંગમાં હતી ત્યારે હળવદ તાલુકાના માથક ગામની સીમમાં આવેલ ઝાલાભાઇ સીણોજીયાની વાડીની ઓરડીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે જુગાર રમતા શખસોમાં નાશ ભાગ મચી હતી જોકે, પોલીસે સ્થળ ઉપરથી વાડીના માલિક ઝાલાભાઇ જાદુભાઈ સિણોજીયા (55), સંદીપ ઉર્ફે હસો રામજીભાઈ સિણોજીયા (31) ભીમાભાઇ રૂડાભાઈ સડાણીયા (44), માંડણભાઈ ભોજાભાઇ સિણોજીયા (51) અને ભરતભાઈ વાસુભાઈ નંદેસરીયા (44) રહે બધા રાયધ્રા વાળા તેમજ અજીતભાઈ મેઘજીભાઈ સોઢા (50) રહે. નવા પીપળીયા વાળાની 37,300 ની રોકડ સાથે ધરપકડ કરી હતી જો કે, પોલીસને જોઈને દિનેશભાઈ હીરાભાઈ નંદેસરીયા રહે. રાયધ્રા વાળો નાસી ગયો હતો જેથી કરીને તેને પકડવા માટે પોલીસે તજવીજ શરૂ કરી છે અને હાલમાં સાત શખ્સોની સામે હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે