વાંકાનેરના લાકડધાર પાસે કારખાનાની કીલનના થર્મોકપલમાં રહેલ પ્લેટીનીયમ તારની ચોરી
Morbi Today
હળવદના રણમલપુર-સુંદરગઢમાં જુગારની ચાર રેડ: 82,230 ની રોકડ સાથે 20 શખ્સની ધરપકડ
SHARE
JOIN OUR GROUP
હળવદના રણમલપુર-સુંદરગઢમાં જુગારની ચાર રેડ: 82,230 ની રોકડ સાથે 20 શખ્સની ધરપકડ
હળવદ તાલુકાના રણમલપુર અને સુંદરગઢ ગામમાં જુદી જુદી ચાર જગ્યા ઉપર પોલીસે જુગારની ચાર રેડ કરી હતી. ત્યારે સ્થળ ઉપરથી કુલ મળીને 20 શખ્સો જુગાર રમતા મળી આવ્યા હતા. જેથી કરીને પોલીસે તેની પાસેથી 82,230 ની રોકડ કબજે કરી હતી અને હળવદ તાલુકો પોલીસ સ્ટેશન ખાતે જુગારના ચાર ગુના નોંધીને પોલીસે આગળની કાર્યવાહી હાથ ધરી છે.
હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના રણમલપુર ગામે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી નાગરભાઈ જાદુભાઈ વિરાણી (42), મહેશભાઈ જયંતીભાઈ પારેજીયા (30), ઉમેશભાઈ જયંતીભાઈ દવે (30), ઘનશ્યામભાઈ ધીરુભાઈ વિરાણી (41), વાસુદેવભાઈ જસરાજભાઈ વરમોરા (53) અને રાજેશભાઈ શામજીભાઈ વરમોરા (49) રહે. બધા રણમલપુર વાળા જુગાર રમતા મળી આવ્યા હતા જેથી કરીને પોલીસે તેની પાસેથી 17,060 ની રોકડ કબજે કરી હતી.
જ્યારે જુગારની બીજી રેડ હળવદ તાલુકાના સુંદરગઢ ગામે જાહેરમાં કરી હતી ત્યારે જુગાર રમતા આઠ શખ્સો મળી આવ્યા હતા જેમાં ઘનશ્યામભાઈ પ્રભુભાઈ પરમાર (35), બળદેવભાઈ ગોગજીભાઈ ડાભી (30), રાજેશભાઈ છેલાભાઈ ગીગોરા (32), નાજાભાઇ રાણાભાઇ ગીગોરા (54), રમેશભાઈ કરણભાઈ લીલાપરા (50), મુકેશભાઈ જગાભાઈ ચરમારી (44), ભરતભાઈ કાળુભાઈ ખાંભડીયા (38) અને દશરથભાઈ કમાભાઈ લીલાપરા (48) રહે. બધા નવા સુંદરગઢ વાળાનો સમાવેશ થાય છે અને પોલીસે તેની પાસેથી 16,440 ની રોકડ કબજે કરી હતી
તો જુગારની ત્રીજી રેડ હળવદ તાલુકાના રણમલપુર ગામે શક્તિભાઈ ભોરણીયાની વાડીની બાજુમાં કરવામાં આવી હતી. ત્યારે ત્યાં જાહેરમાં જુગાર રમતા શક્તિભાઈ કરસનભાઈ ભોરણીયા (25), અશોકભાઈ ધનજીભાઈ આદ્રોજા (42), નિલેશભાઈ ઘનશ્યામભાઈ ત્રેટીયા (32) અને બાબુભાઈ કાનજીભાઈ પાટડીયા (45) રહે. બધા રણમલપુર વાળા જુગાર રમતા મળી આવ્યા હતા જેથી પોલીસે તેની પાસેથી 45,230 ની રોકડ કબજે કરી હતી અને ચોથી રેડ સુંદરગઢ ગામની સીમમાં પાંડાતીર્થ તરફ જવાના રસ્તા ઉપર મંદિરની બહાર કરી હતી ત્યારે જુદા જુદા ચિત્રો વાળા બેનર રાખીને હાર જીતનો જુગાર રમતા બે શખ્સ મળી આવ્યા હતા જેથી પોલીસે રમજાનભાઈ ઉસ્માનભાઈ મકરાણી (31) રહે. સોની તલાવડી ઝાલા રોડ ધાંગધ્રા અને બળદેવભાઈ ગોગજીભાઈ ડાભી (31) રહે નવા સુંદરગઢ ગામ વાળાની ધરપકડ કરી હતી અને તેની પાસેથી 3,500 ની રોકડ કબજે કરી હતી. આમ પોલીસે હળવદ તાલુકામાં જુગારની ચાર રેડ કરીને 20 શખ્સોને રોકડ રકમ સાથે ઝડપી લીધા હતા
