મોરબીના લાયન્સનગરમાંથી બીયરના 12 ટીન સાથે એક પકડાયો

મોરબીના નવલખી રોડ ઉપર આવેલ લાયન્સનગર સતનામ એપાર્ટમેન્ટની બાજુમાં જાહેરમાં પોલીસે રેડ કરી હતી ત્યારે સ્થળ ઉપરથી બિયરના 12 ટીન સાથે એક શખ્સ મળી આવ્યો હતો જેથી પોલીસે 1,200 રૂપિયાની કિંમતનો બિયરનો જથ્થો કબજે કર્યો હતો અને મોરબી બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી બી ડિવિઝન પોલીસની ટીમ પેટ્રોલિંગમાં હતી ત્યારે મોરબીના નવલખી રોડ ઉપર આવેલ લાયન્સનગર સતનામે એપાર્ટમેન્ટની બાજુમાંથી પસાર થયેલા શખ્સને રોકીને પોલીસ દ્વારા ચેક કરવામાં આવતા તેની પાસેથી બીયરના 12 ટીન મળી આવ્યા હતા જેથી કરીને પોલીસે 1,200 રૂપિયાની કિંમતનો મુદ્દામાલ કબજે કર્યો હતો અને આરોપી રાજુ ઉર્ફે રાજેશ હિતેશભાઈ નાંગહ (24) રહે. વાવડી રોડ મીરા પાર્ક ઉમિયા એપાર્ટમેન્ટ ત્રીજા માળે મોરબી વાળાની ધરપકડ કરી તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

વરલી જુગાર

મોરબીના ઘુટુ રોડ ઉપર વરલી જુગારના આંકડા લેતા હોવાની હકીકત મળી હતી જેના આધારે બી ડિવિઝન પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી વરલી જુગારના આંકડા લેતા જીગ્નેશભાઈ હરિલાલ જોશી (53) રહે. ગ્રીનચોક લક્ષ્મીનારાયણ શેરી મોરબી મળી આવતા તેને પકડવામાં આવેલ છે અને તેની પાસેથી 400 ની રોકડ કબજે કરી તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.