મોરબીના સોખડા ગામે ઉંદરના દર બુરવા ગયેલ મહિલાને પાડોશી શખ્સે માર માર્યો: એટ્રોસીટીની ફરિયાદ

 

મોરબી તાલુકાના સોખડા ગામે રહેતા આધેડ મહિલા તેઓના પાડોશીના ઘરમાંથી પોતાના ઘરની પાછળના ભાગમાં ઉંદરના દર બુરવા માટે જઈ રહ્યા હતા જે પાડોશીને સારું નથી લાગતા તેને આધેડ મહિલાને ઢીકા પાટોનો શરીરને માર માર્યો હતો ગાળો આપી હતી અને જ્ઞાતિ પ્રત્યે અપમાનિત કર્યા હતા જેથી ભોગ બનેલ મહિલા દ્વારા હાલમાં મોરબી તાલુકા પોલીસ સ્ટેશન ખાતે એટ્રોસિટી સહિતની કલમ હેઠળ ફરિયાદ નોંધાવતાં પોલીસે ગુનો નોંધી આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ મોરબી તાલુકાના સોખડા ગામે રહેતા રેવીબેન ગોવિંદભાઈ પરમાર (50)એ હાલમાં હિતેશભાઈ કોળી રહે. સોખડા વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેઓ પોતાના ઘરની પાછળ ઉંદરના દર બુરવા માટે જઈ રહ્યા હતા ત્યારે આરોપીના ફળિયામાંથી નીકળીને પાછળ જતા હોય તે આરોપીને સારું લાગ્યું ન હતું જેથી તેણે ફરિયાદી મહિલાને ગાળો આપી હતી અને ઢીકાપાટુનો માર માર્યો હતો અને બંને હાથ, ખભા તથા પીઠના ભાગે માર મારીને ઇજા કરી હતી અને મહિલાને જ્ઞાતિ પ્રત્યે અપમાનિત કર્યા હતા જેથી કરીને ભોગ બનેલ મહિલાએ સારવાર લીધા બાદ નોંધાવેલ ફરિયાદ આધારે પોલીસે હાલમાં એટ્રોસિટી સહિતની કલમો હેઠળ ગુનો નોંધીને આરોપીને પકડવા માટે તજવીજ શરૂ કરી છે.

10 બોટલ દારૂ

મોરબી તાલુકાના પંચાસર રોડ ઉપર રાજનગર કેનાલ પાસે બાવળની જાળીમાં દારૂની રેડ કરી હતી ત્યારે સ્થળ ઉપરથી દારૂની નાની 10 બોટલો મળી આવતા પોલીસે 1000 રૂપિયાની કિંમતનો દારૂનો જથ્થો કબજે કર્યો હતો અને આરોપી આદીલભાઈ મયુદ્દીનભાઈ કુરેશી (24) રહે. વીસીપરા મદીના સોસાયટી મોરબી વાળાની ધરપકડ કરી હતી અને તેની સામે મોરબી એ ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.