મોરબીના રામકૃષ્ણનગર-હરીપાર્કમાંથી બે બાઈકની ચોરી
SHARE
JOIN OUR GROUP
મોરબીના રામકૃષ્ણનગર-હરીપાર્કમાંથી બે બાઈકની ચોરી
મોરબી શહેરના રામકૃષ્ણનગર તથા હરીપાર્ક વિસ્તારમાંથી સમયાંતરે બે બાઈકની ચોરી કરવામાં આવી હતી જે બંને ભોગ બનેલ યુવાનો દ્વારા મોરબી બી ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવવામાં આવતા પોલીસે જુદા જુદા બે ગુના નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મોરબીમાં આવેલ રામકૃષ્ણનગરમાં સ્કૂલની બાજુમાં રહેતા વીરેનભાઈ ભીખુભાઈ કાચા (45) એ મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યુ છે કે તેઓએ પોતાના ઘર પાસે તેનું ઇલેક્ટ્રીક મોટરસાયકલ પાર્ક કરીને મૂક્યું હતું જે 35,000 રૂપિયાની કિંમતનું મોટરસાયકલ કોઈ અજાણ્યા શખ્સ દ્વારા ચોરી કરવામાં આવેલ છે આવી જ રીતે મોરબીમાં વિદ્યુતનગર પાસે આવેલ હરિપાર્ક સોસાયટીમાં રહેતા સાગરભાઇ નભુભાઈ અપારનાથી (29)એ ચોરીની ફરિયાદ નોંધાવી છે જેમાં તેને જણાવ્યું છે કે તેઓએ પોતાના ઘર પાસે તેનું બાઈક નંબર જીજે 25 કે 4333 પાર્ક કરીને મૂક્યું હતું જે 40 હજાર રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને હાલમાં ભોગ બનેલા બંને યુવાનની ચોરીની ફરિયાદ લઈને પોલીસે જુદા-જુદા બે ગુના નોંધીને આરોપીને પકડવા માટે તજવીજ શરૂ કરી છે.
