મોરબીમાં ઘરમાંથી દારૂની 36 બોટલ સાથે આરોપીની ધરપકડ: માલ આપનારની શોધખોળ

મોરબીમાં સર્કિટ હાઉસની સામેના ભાગમાં આવેલ મફતીયાપરા વિસ્તારમાં રહેણાંક મકાનમાં દારૂનો જથ્થો હોવાની હકીકત મળી હતી જેના આધારે બી ડિવિઝન પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની 36 બોટલ મળી આવતા પોલીસે 20,232 ની કિંમતનો મુદ્દામાલ કબજે કર્યો હતો અને એક આરોપીની ધરપકડ કરવામાં આવેલ છે જો કે, અન્ય એક શખ્સનું નામ સામે આવ્યું હોય તેને પકડવા માટે તજવીજ ચાલી રહી છે

જાણવા મળતી માહિતી મુજબ મોરબી બી ડિવિઝન પોલીસની ટીમ પેટ્રોલિંગમાં હતી ત્યારે સર્કિટ હાઉસની સામેના ભાગમાં વિદ્યુતનગરના ઢાળ પાસે આવેલ મફતિયાપરા વિસ્તારમાં રહેતા દિનેશભાઈ પુરબીયાના રહેણાંક મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની 36 બોટલો મળી આવતા પોલીસે 20,232 ની કિંમતનો મુદ્દામાલ સ્થળ ઉપરથી કબજે કર્યો હતો અને આરોપી દિનેશ સોમાભાઈ પુરબીયા (35) રહે. સર્કિટ હાઉસ સામે મફતિયાપરા મોરબી વાળાની ધરપકડ કરી હતી અને તેની પ્રાથમિક પૂછપરછમાં આ દારૂનો જથ્થો તેને અનવર મુસાભાઇ કુરેશી રહે. મોરબી વાળો આપી ગયો હોવાનું સામે આવતા પોલીસે બંને શખ્સોની સામે બી ડિવિઝન પોલીસ સ્ટેશન ખાતે ગુનો નોંધીને આરોપી અનવર કુરેશીને પકડવા માટે તજવીજ શરૂ કરી છે