મોરબીમાં સરકારી શાળાના બાળકોને ફાયર પ્રિવેન્શન અંતર્ગત તાલીમ અપાઈ
Morbi Today
મોરબી નજીક ટેન્કરમાંથી ગેસ ચોરી કરતાં પકડાયેલા બે આરોપીના એક દિવસના રિમાન્ડ મંજૂર: ડીવાયએસપીની પત્રકાર પરિષદ યોજાઇ
SHARE
JOIN OUR GROUP
મોરબી નજીક ટેન્કરમાંથી ગેસ ચોરી કરતાં પકડાયેલા બે આરોપીના એક દિવસના રિમાન્ડ મંજૂર: ડીવાયએસપીની પત્રકાર પરિષદ યોજાઇ
મોરબીના સાપર ગામ નજીક હોટલના ગ્રાઉન્ડમાં ગેસ ભરેલ ટેન્કર ઉભું રાખીને તેમાંથી ગેસની ચોરી કરવામાં આવતી હતી ત્યારે એલસીબીની ટીમ દ્વારા ત્યાં રેડ કરીને બે શખ્સની 50.66 લાખથી વધુના મુદામાલ સાથે ધરપકડ કરેલ છે અને હોટલના સંચાલક સહિતના બે આરોપીને પકડવાના બાકી છે તે બાબતે ડીવાયએસપીની પત્રકાર પરિષદ યોજાઇ હતી અને આ ગુના પકડાયેલા બંને આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના એક દિવસના રિમાન્ડ મંજૂર કરેલ છે.
મોરબીના જેતપર રોડ ઉપર આવેલ સાપર ગામ પાસે ભાગ્યલક્ષ્મી રાજસ્થાની હોટલ રાજસ્થાનના જાલોર જિલ્લાના રહેવાસી ભગીરથ મંગારામ બિશનોઈએ ભાડે રાખેલ છે અને તેના ગ્રાઉન્ડમાં હોટલ સંચાલક સહિતના શખ્સો દ્વારા ગેસ ભરેલા ટેન્કરના ડ્રાઈવર સાથે સાંઠગાંઠ કરીને ટેન્કરમાંથી ગેસની ગેરકાયદે અને જોખમી રીતે ચોરી કરીને ગેસના સિલિન્ડર ભરવામાં આવે છે ત્યારે એલસીબીની ટીમે ત્યાં રેડ કરી હતી તે સમયે સ્થળ ઉપર હાજર રહેલા ચાર શખ્સોમાં નાશભાગ મચી ગઈ હતી.
જોકે પોલીસની ટીમ દ્વારા સ્થળ ઉપરથી પોલીસે હોટલના સંચાલક રાહુલ જેતારામ કુરાડા (29) તથા મજૂર બુધારામ વાગતારામ ખીચડ (44) રહે. બંને હાલ ભાગ્યલક્ષ્મી રાજસ્થાની હોટલ મૂળ રહે. રાજસ્થાન વાળાને ઝડપી લીધેલ હતા અને 17,630 કિલો એલપીજી ગેસ ભરેલ ટેન્કર તેમજ ગેસના ભરેલા અને ખાલી બાટલા મળીને કુલ 50.66 લાખનો મુદામાલ કબજે કરેલ હતો અને મોરબી તાલુકા પોલીસ સ્ટેશન ખાતે ચાર શખ્સોની સામે ગુનો નોંધાયેલ છે
આ ગુનામાં હોટલના સંચાલક ભગીરથ મંગારામ બિશનોઈ અને ટેન્કર નંબર જીજે 6 એઝેડ 0432 ના ચાલકને પકડવાના બાકી છે જો કે, આ કૌભાંડ બાબતે ડીવાયએસપી વિરલ દલવાડીની પત્રકાર પરિષદ યોજાઇ હતી અને આ ગુનાની તપાસ તાલુકા પીએસઆઈ ડી.ડી.જોગેલા અને તેની ટિમ કરી રહી છે તેવામાં પકડાયેલા બંને આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે બંને આરોપીના એક દિવસના રિમાન્ડ મંજૂર કરેલ છે.
