મોરબી લખધીરજી એન્જીન્યરીંગ કોલેજ ખાતે લેન્કો એલમની એસોસિયેશન દ્વારા ૧૪ મુ ગોલ્ડ મેડલ ફંકશન તથા પૂર્વ વિદ્યાર્થી સ્નેહ મિલન યોજાયું
SHARE
JOIN OUR GROUP
મોરબી લખધીરજી એન્જીન્યરીંગ કોલેજ ખાતે લેન્કો એલમની એસોસિયેશન દ્વારા ૧૪ મુ ગોલ્ડ મેડલ ફંકશન તથા પૂર્વ વિદ્યાર્થી સ્નેહ મિલન યોજાયું
મોરબી લેન્કો એલમની એસોસિયેશન દ્વારા લખધીરજી એન્જીન્યરીંગ કોલેજ મોરબી ખાતે ૧૪ મુ ગોલ્ડ મેડલ ફંકશન તથા પૂર્વ વિદ્યાર્થીઓનું સ્નેહ મિલન યોજાયું હતુ.
લખધીરજી એન્જીનીયરીંગ કોલેજ મોરબીના પૂર્વ વિદ્યાર્થીઓનું સંગઠન લેન્કો એલ્યુમિનિ એસોસિયેશન દ્વારા દર વર્ષની માફક આ વર્ષે પણ લખધીરજી એન્જિનિયરિંગ કોલેજ, મોરબી ખાતેથી તાજેતરમાં અભ્યાસ પુર્ણ કર્યો છે તેવા તેજસ્વી વિદ્યાર્થીઓ કે જેમણે પોતાના વિષયમાં કે બ્રાન્ચમાં ટોપ કર્યું છે.તેમને ગોલ્ડ મેડલથી સન્માનિત કરવા ૧૪ મા ગોલ્ડ મેડલ એવોર્ડ ફંકશનનું આયોજન કરવામાં આવ્યું હતું.
કોલેજમાં ચાલતી એન્જીનીયરીંગની વિવિધ શાખાઓમાં ટોપ કરતા વિધાર્થીઓને ગોલ્ડ મેડલ એવોર્ડથી સન્માનિત કરવામાં આવ્યાં હતાં.કુલ ૧૩ ગોલ્ડ મેડલ એનાયત કરવામાં આવ્યા હતા.સાથે કોલેજમાં અભ્યાસ કરી ગયેલા પૂર્વ વિદ્યાર્થીઓના સ્નેહ મિલન સમારોહનું પણ આયોજન કરવામાં આવ્યું હતું.કાર્યક્રમની શરૂઆતમાં લખધીરજી એન્જીનીયરીંગ કોલેજમાં તાજેતરમાં અભ્યાસ કરતા વિદ્યાર્થીઓ દ્વારા સાંસ્કૃતિક કાર્યક્રમનું આયોજન કરવામાં આવ્યું હતુ.
ત્યારબાદ કાર્યક્રમની શરૂઆત કરતા લેન્કો એલમની એસોસિયેશનના સેક્રેટરી જયદેવ શાહે સ્વાગત પ્રવચન કર્યું હતું.સંસ્થાના પ્રમુખ અમૃત મેનપરાએ સંસ્થા દ્વારા કોલેજ અને કોલેજમાં અભ્યાસ કરતા વિદ્યાર્થીઓ માટે જે વિવિધ શિક્ષણલક્ષી પ્રવૃત્તિઓ કરવામાં આવે છે તેની વિગતવાર માહિતી આપી હતી.તે ઉપરાંત જણાવ્યું હતું કે આવતા વર્ષે લખધીરજી એન્જીનીયરીંગ કોલેજ મોરબીને ૭૫ વર્ષ પુર્ણ થવા જઈ રહ્યા છે.ત્યારે ડાયમંડ જયુબિલી ની ઉજવણીના ભાગ રૂપે આવતા વર્ષે ત્રણ દિવસના સુંદર કાર્યક્રમ નું આયોજન કરવામાં આવનાર છે.
એલ.ઈ.કોલેજ મોરબીના પ્રિન્સીપાલ ડો.મેવાડાએ પ્રાસંગિક પ્રવચનમાં લેન્કો એલમની એસોસિયેશન ની કોલેજ અને કોલેજ ના વિદ્યાર્થીઓ માટે ની સેવાકીય પ્રવૃતિઓ ની પ્રશંસા કરી હતી.આ કાર્યક્રમના મુખ્ય મહેમાન તરીકે પી.એસ.પી. પ્રોજેક્ટસ પ્રા લિ. ના પ્રહલાદભાઈ પટેલ ઉપસ્થિત રહ્યા હતા.જેઓ પણ આ કોલેજના પૂર્વ વિદ્યાર્થી છે.ઉપરાંત લેન્કો એલમની એસોસિયેશનના ફાઉન્ડર પ્રેસિડેન્ટ અને હર્ષા એન્જીનીયર્સના મેનેજીંગ ડીરેકટર હરીશભાઈ રંગવાલા તથા એલ.ઈ. કોલેજ મોરબીના પ્રિન્સીપાલ ડો.આર.કે.મેવાડા કાર્યક્રમના અતિથિ વિશેષ તરીકે ઉપસ્થિત રહી પ્રસંગની શોભા વધારી હતી.
દેશ-વિદેશ માં વસતા એલ.ઈ.કોલેજના પૂર્વ વિદ્યાર્થીઓ આ તકે પોતાની માતૃસંસ્થા ખાતે જુના સંસ્મરણો તાજા કરવા અને કોલેજ કાળના મિત્રોને મળવા ખુબ જ ઉત્સાહ થી આવ્યા હતા.સમારંભના અંતે અભાર વિધિ સેક્રેટરી એન.આર.હુંબલ દ્વારા કરવામાં આવી હતી. સમારોહની પુર્ણાહુતી બાદ એસ.સી.રાવલ અને સુરેશ શુકલ દ્વારા કરાઓકે ગીત-સંગીતનો કાર્યક્રમ રાખવામાં આવ્યો હતો જે કોલેજના પૂર્વ વિદ્યાર્થીઓએ ખુબજ ઉત્સાહ અને ઉમંગથી માણ્યો હતો એવું સંસ્થા ના સેક્રેટરી એન.આર.હુંબલ અને જયદેવ શાહએ યાદીમાં જણાવાયુ છે.સમગ્ર કાર્યક્રમનું સંચાલન અને સંકલન પ્રો.જાગૃતિ ભેડાએ કર્યું હતું. આ કાર્યક્રમને સફળ બનાવવા માટે લેન્કો એલમની એસોસિયેશનના પ્રેસિડેન્ટ અમૃત મેનપરા, વાઈસ પ્રેસિડેન્ટ હસમુખ ઉભડીયા, પરેશ પટેલ, સવજીભાઈ સીતાપરા, જનકભાઈ પટેલ, અમરીશ પટેલ, એમ.એચ. આયલાણી, કે.કે.દવે સહિતના સભ્યો ભારે જહેમત ઉઠાવી હતી.
