મોરબીના બેલા ગામ નજીક કારખાનાના કવાર્ટરમાં નિંદ્રાધીન અવસ્થામાં વૃદ્ધનું મોત

મોરબીના બેલા ગામની સીમમાં આવેલ સિરામિક કારખાનામાં રહેતા વૃદ્ધ લેબર કવાર્ટરમાં સુતા હતા ત્યારબાદ તે ઉઠ્યા ન હતા જેથી તેઓનું કોઈ કારણોસર મોત નીપજયું હતું માટે તેના મૃતદેહને સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની મૃતક આધેડના પત્નીએ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.

જાણવા મળતી માહિતી મુજબ મૂળ ઓરિસ્સાના રહેવાસી અને હાલમાં મોરબીના બેલા ગામ પાસે આવેલ ઇટાલેક સિરામિક કારખાનાના લેબર કવાર્ટરમાં રહેતા અને મજૂરી કામ કરતા ગોપાલ મન્નો મરંદી (56) નામના વૃદ્ધ લેબર ક્વાર્ટરમાં સૂતા હતા ત્યારબાદ તે ઉઠ્યા ન હતા અને તેઓનું કોઈ કારણોસર મોત નીપજ્યું હતું જેથી તેમના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવ અંગેની મૃતક વૃદ્ધના પત્ની તુરસી ગોપાલભાઈ મરંદી (50) રહે. હાલ ઇટાલેક સિરામિક કારખાનાના લેબર કવાર્ટરમાં મૂળ રહે. ઓરિસ્સા વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે