ટંકારાના લજાઇ પાસે કારખાનામાંથી સગીરાનું અપહરણ કરનાર સહિત બે આરોપીની ધરપકડ
SHARE
JOIN OUR GROUP
ટંકારાના લજાઇ પાસે કારખાનામાંથી સગીરાનું અપહરણ કરનાર સહિત બે આરોપીની ધરપકડ
ટંકારા તાલુકા લજાઇ નજીક ભીમનાથ રોડ ઉપર આવેલ પવનસુત કારખાનામાંથી સગીર વયની બાળાનુ અપહરણ કરવામાં આવ્યું હતું જેની ફરિયાદ આધારે પોલીસે આરોપીએ પકડવા માટે તજવીજ હાથ ધરી હતી અને આ ગુનામાં પોલીસે આરોપી અને તેને મદદ કરનાર એમ કુલ બે આરોપીઓની ધરપકડ કરેલ છે.
ટંકારા તાલુકા પોલીસ સ્ટેશનમાં સગીરાના અપહરણનો ગુનો નોંધાયો હતો. જેમાં ફરીયાદીની સગીર વયની દીકરીને આરોપી ભાવેશભાઈ વરશીભાઈ ચાવડા રહે. કોટડીયા તાલુકો જામ ખંભાળીયા વાળો લગ્નની લાલચ આપીને લલચાવી ફોસલાવી બદકામ કરવાના ઇરાદે અપહરણ કરી ભગાડી ગયેલ છે અને હરપાલસિંહ ઝાલા તથા દશરથસિંહ જેઠવાનાને હકીકત મળેલ હતી કે આરોપી ભોગબનનારને ભગાડી અપહરણ કરી રાજસ્થાન રાજયના પાલી જિલ્લાના ખીવાડા (પાચોટીયા) ગામે લઇ ગયેલ છે અને ત્યા મજુરી કામ કરે છે. જેથી પીએસઆઈ એસ.એન. સગારકા અને તેની ટીમને રાજસ્થાન તપાસમાં મોકલી હતી અને આરોપી તથા ભોગબનનાર બન્નેને રાજસ્થાન રાજયના પાલી જિલ્લાના ખીવાડા (પાચોટીયા) ગામેથી હસ્તગત કરી ટંકારા પ્લોઇસ સ્ટેશને લઈને આવ્યા હતા. અને આરોપી ભાવેશ વજશીભાઈ ચાવડા (25) રહે. કોટડીયા તાલુકો જામ ખંભાડીયા તેમજ આ ગુનામાં આરોપીને ભોગ બનનારને ભગાડી જવામાં મદદગારી કરનાર ગોરધનભાઇ ઉર્ફે રાહુલ પ્રવિણભાઈ ચાવડા (19) રહે. રહે. કોટડીયા તાલુકો જામ ખંભાડીયા વાળાની ધરપકડ કરેલ છે અને પ્રવિણભાઈ ચાવડા રહે. કોટડીયા વાળાનું નામ સામે આવ્યું હોવાથી તેને પકડવા માટે તજવીજ ચાલી રહી છે. આ કામગીરી પીઆઇ કે.એમ.છાસીયાની સૂચના મુજબ પીએસઆઈ એસ.એન.સગારકા અને જીતેન્દ્રકુમાર ભાલોડીયા, દશરથસિંહ જેઠવા, રવિરાજસિંહ જાડેજા, બળવંતભાઇ દેગામા, પંકજભા ગુઢડા તથા મહીલા પો.કોન્સ. નીજુબેન સેંજલીયાએ કરી હતી
