મોરબીના ઘૂટું ગામ પાસે અકસ્માત સર્જીને બાળકનું મોત નિપજાવનાર બોલેરો ગાડીના ચાલકની ધરપકડ
Morbi Today
મોરબીના મકનસર પાસે અકસ્માત સર્જીને મહિલાનું મોત નિપજાવનાર બોલેરો ગાડીના ચાલકની ધરપકડ
SHARE
JOIN OUR GROUP
મોરબીના મકનસર પાસે અકસ્માત સર્જીને મહિલાનું મોત નિપજાવનાર બોલેરો ગાડીના ચાલકની ધરપકડ
મોરબી વાંકાનેર હાઇવે રોડ ઉપર કારખાનાની સામેના ભાગમાં આવેલ કટ્ટ પાસે મહિલા ઊભી હતી ત્યારે બોલેરો પીકઅપ ગાડીના ચાલકે પોતાની ગાડીને રિવર્સમાં લેતા આધેડ મહિલાને હડફેટે લીધી હતી જેથી તે મહિલાનું મોત નીપજ્યું હતું આ બનાવ સંદર્ભે મૃતક મહિલાના દીકરાએ નોંધાવેલ ફરિયાદ આધારે ગુનો નોંધી આરોપીને પકડવા માટે તજવીજ શરૂ કરી હતી અને હાલમાં પોલીસે બોલેરો ગાડીના ચાલકની ધરપકડ કરી છે
મૂળ ગોંડલના રહેવાસી અને હાલમાં વાંકાનેરના જીનપરા વિસ્તારમાં સુંદરજીભાઈ વાળી શેરીમાં રહેતા અજયભાઈ ભરતભાઈ સોઢા (23)એ બોલેરો ગાડી નંબર આરજે 4 જીસી 5350 ના ચાલક સામે ફરિયાદ નોંધાવેલ હતી કે, મોરબી વાંકાનેર નેશનલ હાઈવે રોડ ઉપર પેગવીન કારખાના તરફ જવાના રસ્તાની કટ્ટ પાસે તેઓના માતા મંજુબેન ભરતભાઈ સોઢા (55) ઉભા હતા દરમિયાન બોલેરો ગાડીના ચાલકે ફરિયાદીના માતાને હડફેટે લીધા હતા. જેથી ગંભીર ઇજા થવાના લીધે મહિલાનું મોત નિપજ્યું હતું જે બનાવ સંદર્ભે મૃતક મહિલાના દીકરાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરી હતી અને હાલમાં આ ગુનામાં પોલીસે આરોપી રવિ ધરમશીભાઈ સેલાણી (21) રહે. ગોકુલનગર મકાનસર વાળાની ધરપકડ કરીને આગળની કાર્યવાહી કરેલ છે.
મહિલા સારવારમાં
મોરબીના શનાળા ગામે રહેતા ચંપાબેન પ્રવીણભાઈ શિરવી (57) નામના મહિલા બાઇકમાં પાછળ બેસીને રાજપર ચોકડી પાસેથી પસાર થઈ રહ્યા હતા ત્યારે બાઈકની આડે કાઢે ગાય આવતા અકસ્માત થયો હતો અને તે બનાવમાં ચંપાબેનને ઈજા થઇ હોવાથી તેને સારવાર માટે મોરબીની આયુષ હોસ્પિટલ ખાતે લાવ્યા હતા અને આ બનાવની પોલીસને જાણ કરવામાં આવી હતી
મહિલા સારવારમાં
મોરબીમાં ગઢવીની વાડી રામજી મંદિર પાસે રહેતા ગૌરીબેન કાંતિભાઈ ડાભી (34) નામના મહિલા બાઇકમાં પાછળ બેસીને મોમ્સ હોટલ પાસેથી પસાર થઈ રહ્યા હતા ત્યારે ત્યાં બાઈકમાંથી પડી જવાના કારણે તેમને ઈજા થઈ હતી જેથી તેને સારવાર માટે મોરબીની ખાનજગી હોસ્પિટલમાં લઈને આવ્યા હતા અને ત્યાં તેઓને સારવાર આપીને આ બનાવની પોલીસને જાણ કરવામાં આવી છે
