મોરબીમાં ઇન્ડિયન લાયોનેસ ક્લબ દ્વારા ઓપન મોરબી સૂર્ય નમસ્કાર સ્પર્ધાનું આયોજન

મોરબીમાં દર વર્ષની જેમ આ વર્ષે પણ ઇન્ડિયન લાયોનેસ ક્લબ દ્વારા વિશ્વ યોગ દિવસની ઉજવણીના ભાગરૂપે ઓપન મોરબી સૂર્ય નમસ્કાર સ્પર્ધાનું આયોજન કરવામાં આવ્યું છે અને તેના માટે નામ નોંધણી કરવામાં આવી રહી છે. આ સ્પર્ધામાં 18 વર્ષથી ઉપરની દરેક મહિલાઓ ભાગ લઈ શકશે.

વધુમાં આયોજકોએ જણાવ્યુ હતું કે, નિર્ધારિત સમયમાં સચોટ રીતે સૌથી વધારે સૂર્ય નમસ્કાર કરનાર વિજેતા મહિલાઓને ટ્રોફી આપીને સન્માનિત કરવામાં આવશે. આ ઉપરાંત પ્રથમ ત્રણ ક્રમે વિજેતા બનેલ મહિલાઓને ફિઝિયો ફિટ જિમ તરફથી એક મહિનાની જિમની મેમ્બરશીપ ફ્રી આપવામાં આવશે. અને આ સ્પર્ધામાં ભાગ લેનાર તમામ બહેનોને સર્ટિફિકેટ તેમજ પુરસ્કાર આપવામાં આવશે. જેથી કરીને આગામી તા 24/6 ને મંગળવારના રોજ ફિઝિયો ફિટ જિમ સનાળા રોડ મોરબી. ખાતે યોજાનાર આ સ્પર્ધામાં વધારેમાં વધારે બહેનો ભાગ લે તે માટે સંસ્થાના પ્રમુખ ડો. સુષ્માબેન દુધરેજીયા તેમજ સમગ્ર ટીમે બહેનોને નામ નોંધણી કરાવવા માટે આહવાન કર્યું છે. અને રજીસ્ટ્રેશન પ્રીતિબેન દેસાઈ (93289 70499), હીનાબેન પરમાર (98259 30156), સાધનાબેન ઘોડાસરા (79842 61599), મનિષાબેન ગણાત્રા (82382 82420) અને પુનમબેન હિરાણી (99795 74149) પાસે કરાવી શકાશે.