મોરબીના રંગપર અને માણેકવાડા ગામે સરકારી શાળામાં પ્રવેશોત્સવ યોજાયો
Morbi Today
મોરબી સહિત રાજ્યના જિલ્લાઓમાં ડીઝલ ચોરી કરતી ગેંગ ઝડપાઈ, ડીવાયએસપીની પત્રકાર પરિષદ યોજાઇ
SHARE
JOIN OUR GROUP
મોરબીના મકનસર ગામ પાસે ઉભેલા ટ્રેલર અને ટેમ્પોમાંથી ડીઝલની ચોરી કરવામાં આવી હતી જેની ફરિયાદ આધારે ગણતરીની કલાકોમાં તાલુકા પોલીસે ડીઝલ ચોરી કરતી રાજ્યવ્યાપી ગેંગના ચાર શખ્સોને ઝડપી લીધા હતા જે ચારેય આરોપી હાલમાં રિમાન્ડ ઉપર છે. અને ચોરાઉ ડીઝલ લેનાર સહિત કુલ મળીને પાંચ શખ્સોને પકડવા માટે તજવીજ હાથ ધરી છે.
મૂળ રાજસ્થાનના રહેવાસી ડ્રાઇવર કરનારામ સાંઇ દ્વારા ડીઝલ ચોરીની અજાણ્ય શખ્સો સામે ફરિયાદ નોંધાવવામાં આવી હતી અને જેમાં તેને જણાવ્યું છે કે, મોરબીના મકનસર ગામ નજીક ધર્મકાંટા પાસે તેને પોતાનું ટ્રેલર પાર્ક કરીને મૂક્યું હતું ત્યારે તેના ટ્રેલરની ડીઝલની ટાંકીના લોક તોડીને તેમાંથી ડીઝલની ચોરી કરવામાં આવી હતી તેવી જ રીતે અન્ય વ્યક્તિના ટેમ્પોમાંથી ડીઝલની ચોરી કરવામાં આવી હતી આમ કુલ મળીને 330 લીટર જેટલા ડીઝલની ચોરી કરવામાં આવી હતી. જે ફરિયાદ આધારે પીઆઈ એસ. કે. ચારેલ અને તેની ટીમ આરોપીઓને પકડવા માટે તજવીજ કરી રહી હતી. માર્ગદર્શન હેઠળ સમગ્ર ટીમ દ્વારા જુદી જુદી દિશામાં તપાસ કરવામાં આવી હતી.
આ ગુના અજયભાઈ છનાભાઇ ચૌહાણ (30) રહે. અમરાપુરા સાવલી, જીગ્નેશભાઈ ભરતભાઈ ખેર (25) રહે મેરૂપર હળવદ, વિક્રમભાઈ ભગવાનસિંગ ચાવડા (30) રહે જસાપુર ઠાસરા અને ધર્મેન્દ્રભાઈ પ્રવીણસિંહ પરમાર (24) રહે. જસાપુર ઠાસરા વાળાની ધરપકડ કરેલ હતી. અને જે ચાર શખ્સોને પકડવામાં આવ્યા હતા તેની પાસેથી પોલીસે બલેનો કાર જેની કિંમત 3.50 લાખ સહિત કુલ મળીને 3,61,450 ની કિંમતનો મુદ્દામાલ કબજે કર્યો હતો.
આ આરોપીઓને રિમાન્ડની માંગણી સાથે કોર્ટમાં રજૂ કરતા કોર્ટે આરોપીના તા. 30 સુધીના રિમાન્ડ મંજૂર કર્યા છે આ બાબતે ડીવાયએસપી પી.એ. ઝાલાની પત્રકાર પરિષદ યોજાઇ હતી જેમાં તેમણે જણાવ્યું હતું કે ડીઝલ ચોરીના આ કૌભાંડમાં સંડોવાયેલ અન્ય પાંચ શખ્સોના નામ સામે આવ્યા છે જેને પકડવા માટે થઈને હાલમાં તાલુકા પોલીસની જુદી જુદી ટીમ દ્વારા તપાસ તજવીજ હાથ ધરવામાં આવી છે અને આ શખ્સોએ અગાઉ ક્યાં ક્યાં ડીઝલ ચોરી સહિતની ઘટનાઓ અંજામ આપ્યો છે તે દિશામાં પણ તપાસ ચાલી રહી છે.
