મોરબીની નિર્મલ સ્કૂલમાં ક્લાસમાં બાળકોને ભણાવતા શિક્ષકને ઉલ્ટી થયા બાદ બેભાન થઈ જતા મોત
SHARE
JOIN OUR GROUP
મોરબીની નિર્મલ સ્કૂલમાં ક્લાસમાં બાળકોને ભણાવતા શિક્ષકને ઉલ્ટી થયા બાદ બેભાન થઈ જતા મોત
મોરબીના કેનાલ રોડ ઉપર આવેલ સોસાયટીમાં રહેતા અને રવાપર ચોકડી નજીક આવેલ નિર્મલ સ્કૂલમાં શિક્ષક તરીકે ફરજ બજાવતા આધેડ ક્લાસરૂમમાં હતા અને બાળકોને ભણાવતા હતા ત્યારે પરસેવો વળવા લાગ્યો હતો અને ઉલટી થવા લાગી હતી ત્યારબાદ તે બેભાન થઈ ગયા હતા જેથી તેને હોસ્પિટલે લઈ ગયા હતા અને ત્યાં ફરજ પરના ડોક્ટર તેને જોઈ તપાસીને મૃત જાહેર કર્યા હતા અને આ બનાવની હોસ્પિટલ મારફતે એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.
બનાવની જાણવા મળતી વિગત પ્રમાણે મોરબીના કેનાલ રોડ ઉપર આવેલ નિકુંજ પાર્ક સોસાયટીમાં બાલાજી એપાર્ટમેન્ટ બ્લોક નંબર 201 માં રહેતા ભાવેશભાઈ પ્રવીણભાઈ પટેલ (50) નામના આધેડ મોરબીની રવાપર ચોકડી પાસે આવેલ નિર્મલ સ્કૂલમાં શિક્ષક તરીકે ફરજ બજાવતા હોય તેઓ ક્લાસરૂમમાં હતા અને બાળકોને ભણાવતા હતા ત્યારે અચાનક તેમને પરસેવો વળવા લાગ્યો હતો અને ઉલટી થવા લાગી હતી અને તે બેભાન થઈ ગયા હતા જેથી કરીને તેઓને તાત્કાલિક સારવાર માટે મોરબીની સરકારી હોસ્પિટલ ખાતે લઈ ગયા હતા અને ત્યાં ફરજ પરના ડોક્ટરે તેઓને જોઈ તપાસીને મૃત જાહેર કર્યા હતા અને આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
વરલી જુગાર
મોરબીના જાંબુડીયા ગામના ઓવરબ્રિજ પાસે વરલી જુગારની રેડ કરવામાં આવી હતી ત્યારે ત્યાં સ્થળ ઉપરથી વરલી જુગારના આંકડા લેતા સોહિલભાઈ ઈસાભાઈ પલેજા (32) રહે માળિયા ફાટક પાસે મોરબી વાળો મળી આવતા પોલીસે 350 રૂપિયાની રોકડ સાથે તેની ધરપકડ કરી હતી આવી જ રીતે મોરબી નજીકના ઘુટુ ગામ નજીક આવેલ આકૃતિ સોસાયટી પાસે વરલી જુગારની રેડ કરી હતી ત્યારે સ્થળ ઉપરથી વરલીના આંકડા લેતા અરૂણભાઇ ઉર્ફે અકુલ રતિલાલ શિરોયા (22) રહે વીસીપરા મોરબી વાળો મળી આવતા પોલીસે 370 ની રોકડ સાથે તેની ધરપકડ કરી હતી તો વાંકાનેરના વાંઢા લીમડા ચોક પાસે વરલી જુગારની રેડ કરવામાં આવતા રાજેન્દ્રસિંહ ભરતસિંહ કૌશલ્યા (31) રહે. પરશુરામ પોટરિ વાંકાનેર વાળો વરલી જુગારના આંકડા લેતા મળી આવ્યો હોય પોલીસે 150 રૂપિયાની રોકડ સાથે તેની ધરપકડ કરી હતી અને વાંકાનેર સીટી પોલીસ સ્ટેશન ખાતે ગુનો નોંધાયો છે.
