મોરબીમાંથી ચોરી કરેલા બાઇક સાથે 1 શખ્સ પકડાયો

મોરબીના કુલીનગર-1 માં રહેતા યુવાને ઘર પાસે બાઇક પાર્ક કર્યું હતું જે બાઈકની ચોરી કરવામાં આવી હતી જેથી કરીને યુવાને ફરિયાદ નોંધાવી હતી જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે.

મોરબીના વીસીપરા વિસ્તારમાં ઇમામના ઓટા સામે કુલીનગર-1 માં રહેતા સમસુદ્દીનભાઈ અકબરભાઈ પઠાણ (24) નામના યુવાને અજાણ્યા શખ્સની સામે મોરબી બી ડિવિઝન પોલીસ સ્ટેશન ખાતે વાહન ચોરીની ફરિયાદ કરી હતી જેમાં જણાવ્યુ હતું કે, તેણે પોતાના ઘર પાસે બાઈક નંબર જીજે 36 એક્યુ 2780 પાર્ક કરીને મૂક્યું હતું જે 20 હજાર રૂપિયાની કિંમતનું બાઇક ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ હતી અને આ ગુનામાં પોલીસે આરોપી જાનમામદ જૂસબભાઈ જામ (23) રહે, માળીયા મિયાણાં હાલમાં રહે વીસીપરા મોરબી વાળાની ધરપકડ કરેલ છે અને તેની પાસેથી ચોરીમાં ગયેલ બાઇકને કબ્જે કરવામાં આવ્યું છે અને પોલીસે આગળની કાર્યવાહી કરેલ છે.