ટંકારાના અમરાપર પાસે કાર રોડ સાઈડમાં નીચે ઉતરી જતાં સર્જાયેલા અકસ્માતમાં યુવાનનું મોત
Morbi Today
વાંકાનેરના સરતાનપર પાસે કારખાનામાં કવાર્ટરના પહેલા માળેથી નીચે પટકાતા ઈજા પામેલ ચાર વર્ષના બાળકનું મોત
SHARE
JOIN OUR GROUP
વાંકાનેરના સરતાનપર પાસે કારખાનામાં કવાર્ટરના પહેલા માળેથી નીચે પટકાતા ઈજા પામેલ ચાર વર્ષના બાળકનું મોત
વાંકાનેર તાલુકાના સરતાનપર રોડ ઉપર આવેલ સિરામિક કારખાના લેબર કવાર્ટરમાં પહેલા માળેથી રમતા રમતા નીચે પડી ગયેલા ચાર વર્ષના બાળકનું સારવાર દરમિયાન મૃત્યુ નિપજ્યું છે.જેથી કરીને આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી વિગત મુજબ વાંકાનેર તાલુકાના સરતાનપર રોડ ઉપર આવેલ રેસેરા સિરામિકના લેબર કવાર્ટરમાં રહેતા અને મજૂરીકામ કરતા વિજયભાઈ ચૌહાણનો ચાર વર્ષનો દીકરો આશિષ ગત તારીખ 10/12 ના રોજ કારખાના લેબર કવાર્ટરમાં પહેલા માળેથી રમતા રમતા નીચે પટકાયો હતો જેથી કરીને તેને પ્રથમ મોરબી અને ત્યાંથી વધુ સારવાર માટે રાજકોટ અને અમદાવાદ લઇ ગયા હતા અને ત્યાં સારવાર દરમિયાન તારીખ 13/1 ના રોજ મૃત્યુ નિપજ્યું છે.જેથી કરીને આ બનાવની વાંકાનેર તાલુકા પોલીસને જાણ કરવામાં આવતા પોલીસે અકસ્માતનો બનાવ નોંધ કરીને રાબેતા મુજબની કાર્યવાહી હાથ ધરી છે.
બીમારી સબબ મોત
મોરબી તાલુકાના વીરપરડા ગામે રહેતા વિપુલભાઈ ચકુભાઈ સારદિયા (ઉંમર 40) ને લીવરની બીમારી હોય બીમારી સબબ તેનું મૃત્યુ નીપજયું હતું જેથી કરીને તેના મૃતદેહને મોરબી સિવિલ હોસ્પિટલ ખાતે લઇને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.
