મોરબી એસટી ડેપોના મેનેજર અને સુપર વાઇઝરોને ડેપોના હાજર રહેવા વિભાગીય નિયામકની સૂચના
SHARE
JOIN OUR GROUP
મોરબી એસટી ડેપોના મેનેજર અને સુપર વાઇઝરોને ડેપોના હાજર રહેવા વિભાગીય નિયામકની સૂચના
મોરબીના એસટી ડેપો ખાતે રાજકોટ વિભાગીય નિયામકની ટીમોએ ધામા નાખ્યા હતા અને જુદા જુદા વિભાગમાં કર્મચારીઓ દ્વારા કરવામાં આવતી કામગીરીનું ઇન્સ્પેક્શન કરવામાં આવ્યું હતું ત્યારબાદ વિભાગીય નિયામક સાથે આ મુદે વાત કરતા તેમણે જણાવ્યું હતું કે મોરબીના ડેપોમાં ડેપો મેનેજર અને સુપર વાઇઝરની ગેરહાજરી બાબતે ફરિયાદ મળી હતી જે સંદર્ભે તમામ અધિકારી અને કર્મચારીઓને સમયસર ડેપોમાં હાજર રહેવા માટેની સૂચના આપવામાં આવી છે અને આગામી દિવસોમાં જામનગર અને સુરેન્દ્રનગરના રૂટને શરૂ કરવાની વ્યવસ્થા ગોઠવવા માટે કહેવામા આવ્યું છે તેની સાથોસાથ વિદ્યાર્થીઓને પણ હાલાકી ન પડે તે માટે કેટલાક રૂટની બસોને શરૂ કરવા માટેની સૂચના આપી દેવામાં આવેલ છે
મોરબી શહેરના સનાળા રોડ ઉપર આવેલ નવા બસ સ્ટેન્ડ ખાતે રાજકોટ વિભાગીય નિયામકની ટીમોએ ધામા નાખવામાં આવ્યા હતા અને મોરબી એસટી ડેપો ખાતે કરવામાં આવતી જુદીજુદી કામગીરીનું ઇન્સ્પેક્શન કરવામાં આવી રહ્યું હતું જેમાં ખાસ કરીને જુદાજુદા રૂટની ગાડીઓના રીપેરીંગ કામથી લઈને બસો સમયસર દોડે છે કે કેમ તેનું ઇન્સ્પેક્શન કરવામાં આવ્યું હતું તેમજ બસના મેન્ટેનન્સ, એકાઉન્ટ સહિતના જુદાજુદા વિભાગના હેડ મોરબી આવેલ હતા અને મોરબી જિલ્લાની અંદર એસટી ડેપો દ્વારા જે કામ કરવામાં આવે છે તેની માહિતી મેળવવામાં આવી હતી
રાજકોટના વિભાગીય નિયામક જે.વી.કલોતરા સાથે વાત કરતાં તેમણે જણાવ્યું હતું કે તેઓની ટીમ દ્વારા મોરબી એસટી ડેપો ખાતે કરવામાં આવતી કામગીરીનું ઇન્ફેક્શન કરવામાં આવ્યું હતું અને જુદા જુદા રૂટની બસો નિયમિત રીતે ચાલે છે કે કેમ ?, કર્મચારીઓ-અધિકારીઓ સમયસર હાજર રહે છે કેમ ? આ બધી બાબતોને ધ્યાનમાં લેવામાં આવી હતી ત્યારે મોરબીના એસટી ડેપો મેનેજર તેમજ સુપરવાઇઝર પોતાની ફરજ પર સમયસર હાજર ન રહેતા હોવાની ફરિયાદ મળી હતી જેથી કરીને અધિકારી અને કર્મચારીઓને પોતાની ફરજ પર સમયસર હાજર રહેવા માટેની કડક ભાષામાં સૂચના આપવામાં આવી છે
તેમજ આગામી દિવસોમાં જામનગરની બે સુરેન્દ્રનગરની બે બસના રૂટ કાર્યરત કરવા માટેની સૂચના આપવામાં આવેલ છે તેની સાથોસાથ ટંકારાના ઉમિયાનગર ગામ અને મોરબીના ચમનપર ગામે રાત્રિ રોકાણ માટેની જે બસ અગાઉ ચાલુ હતી તેને ફરીથી ચાલુ કરવા માટે સૂચના આપવામાં આવેલ છે આમ વિદ્યાર્થીઓની અને મુસાફરોની સુવિધા વધારો થાય તે પ્રકારની કામગીરી મોરબી એસટી ડેપો દ્વારા ગોઠવવામાં આવે તે માટે વિભાગીય નિયામક દ્વારા સૂચનાઑ આપવામાં આવેલ છે જોકે, આગામી દિવસોમાં તેની અમલવારી કરવામાં આવે છે કે કેમ એ તો સમય બતાવશે
