મોરબીના મહેન્દ્રનગર ગામે સ્વ. અશ્વિનભાઈ બોપલિયાની તિથીએ સ્મરણાંજલિનો કાર્યક્રમ યોજાશે
Morbi Today
મોરબી સીવીલ હોસ્પીટલમાં મહિલાઓ માટે શૌચાલય બનાવવાની માંગ
SHARE
JOIN OUR GROUP
મોરબી સીવીલ હોસ્પીટલમાં મહિલાઓ માટે શૌચાલય બનાવવાની માંગ
મોરબી સીવીલ હોસ્પીટલમાં મહિલાઓ માટે શૌચાલય છે તે ખંઢેર હાલતમાં છે માટે નવું બનાવવાની સામાજીક કાર્યકરો દ્વારા મુખ્યમંત્રી, આરોગ્ય અને પંચાયત મંત્રીને લેખિત રજૂઆત કરવામાં આવી છે.
મોરબીના સામાજિક કાર્યકર રાજુભાઇ દવે, અશોક ખરચરીયા, જગદીશભાઇ જી. બાંભણીયા, મુસાભાઇ બ્લોચ, જીજ્ઞેશભાઇ પંડયા દ્વારા મુખ્યમંત્રી ભુપેન્દ્ર પટેલ તેમજ આરોગ્ય અને પંચાયત મંત્રીને લેખિત રજૂઆત કરવામાં આવી છે. તેમાં જણાવાયું છે કે, મોરબીની સીવીલ હોસ્પીટલમાં મહિલા માટેનું શૌચાલય નથી. અને જે છે તે ખંઢેર હાલતમાં છે માટે મહિલા દર્દીઓ તેમજ અન્ય દર્દીઓની સાથે આવતા મહિલાઓને ભારે હાલાકીનો સામનો કરવો પડે છે જેથી હાલમાં મહિલા શૌચાલયની મરામત કરવામાં આવે તેવી માંગ કરવામાં આવી છે
આગાઉ ૯૭.૬૩ લાખની ગ્રાન્ટ મરામત માટે મંજુર થયેલ છે. પરંતુ કોઇપણ જાતનું કામકાજ હજુ સુધી થયેલ નથી. અને જાહેર શૌચાલયને તાળા લગાડેલ છે. આર.એમ.ઓ.ની ઓફીસની સામે જ શૌચાલયને તાળા મારેલ છે અને ઓફીસની સામે ગંદકીનો ઢગલો હોય છે તેમજ સીવીલ હોસ્પીટલનું મેઇન બોર્ડ પણ હાલ કચરમાં ઘા ખાય છે. સીવીલ હોસ્પીટલમાં આવેલ પી.એમ.માં પણ રિપેરિંગ કામ કરવાની જરૂર છે અને ત્યાં વધુ બોડીને મૂકી શકાય તેવી વ્યવસ્થા કરવામાં આવે તેવી પણ માંગ કરી છે
